भुसावळ (प्रतिनिधी) शहरातील नाहाटा कॉलेज जवळील सोना एजन्सी, महेश नगर मधील अपार्टमेंट मधील घराला अचानक आग लागली. या घटनेत ५५ वर्षीय व्यक्तीचा मृत्यू तर ३२ वर्षीय तरुण जखमी झाला आहे
यासंदर्भात अधिक असे की, नाहाटा कॉलेज जवळील सोना एजन्सी, महेश नगर मधील निकुंज अपार्टमेंट मध्ये चार जणांचा परिवार राहत असून आज पहाटे ३.३० वाजेच्या सुमारास घराला अचानक आग लागल्याने घरातील ५५ वयाचे व्यक्ती जळून मयत झाले आहे तर ३२ वयोगटाचा तरुण जखमी झाला असून डॉ उल्हास पाटील वैद्यकीय रुग्णालय येथे पुढील उपचार घेत आहे.
या घटनेत घरातील सर्व सामान जळून खाक झाला आहे. घटनास्थळी परिसरातील नागरीक व नगरसेवक महेंद्रसिंग ठाकूर तसेच कार्यकत्यांनी धाव घेतली तसेच रुग्णवाहिका बोलावून जखमीस पुढील उपचारासाठी रुग्णालयात हलविले आहे. आग लागल्याचे नेमके कारण समजू शकले नसून घटनास्थळी पोलीस प्रशासन पोहचते पुढील तपास करीत आहे.
