नाशिक (वृत्तसंस्था) दिंडोरीरोडवरील आरोग्य विज्ञान विद्यापीठाजवळच्या रस्त्यालगत एका मोकळ्या भूखंडावर मंगळवारी (दि. २६) सकाळी दहा वाजेच्या सुमारास कांद्या बटाट्याच्या गोणीत महिलेचा विवस्त्र अवस्थेत मृतदेह आढळून आल्यामुळे एकच खळबळ उडाली होती.
म्हसरूळ एका महिलेची हत्या करून तिचा मृतदेह महाराष्ट्र आरोग्य विज्ञान विद्यापीठाजवळ नाशिक- दिंडोरी रस्त्यालगत फेकण्यात आल्याचा प्रकार मंगळवारी (दि. २६) सकाळी उघडकीस आला. परिसरातून जाणाऱ्या येणाऱ्या नागरिकांना लाल रंगाच्या कांदे-बटाट्याच्या गोणीत हा मृतदेह होता.
नाशिक- दिंडोरी रोडवर म्हसरुळ पोलीस ठाण्याच्या हद्दीत मंगळवारी (दि. २६) सकाळी एका गोणीत महिलेचा मृतदेह या भागातून येणाऱ्या जाणाऱ्या नागरिकांना आढळून आला. नागरिकांनी तात्काळ पोलिसांना घटनेची माहिती दिली. मृतदेह कुजण्यास सुरुवात झाल्यामुळे साधारणतः तीन ते चार दिवसांपूर्वी या महिलेचा मृत्यू झाला असावा, असा अंदाज वर्तविण्यात येत आहे.
घटनास्थळी पोलिसांनी पंचनामा केल्यानंतर महिलेची हत्या करण्यात आला, असल्याचा प्राथमिक अंदाज व्यक्त केला आहे. मृतदेह उत्तरीय तपासणीसाठी शासकीय जिल्हा रुग्णालयात पाठवला असून सापडलेला मृतदेह कोणाचा आहे?, याचा शोध घेण्यासाठी पोलिसांनी तपास सुरू केला आहे. दरम्यान, मृतदेहाजवळ आढळलेल्या गोणीजवळ दुसऱ्या पिशवीत महिलेचे कपडे, दाेन-तीन भांडे आढळून आले आहेत.
