धरणगाव (प्रतिनिधी) चोपडा रोडवरील निशाने फाट्याजवळ पिकअपने दुचाकीला दिलेल्या धडकेत एक जण गंभीर जखमी झाला आहे. याप्रकरणी पिकअपवरील चालकाविरुद्ध गुन्हा दाखल करण्यात आला आहे.
या संदर्भात अधिक असे की, २२ फेब्रुवारी २०२२ रोजी रात्री ८.१५ वाजेच्या सुमारास प्रविण विश्वास पाटील (वय – २८ वर्ष) हा त्याच्याकडील मोटार सायकल (क्र.एम.एच.१९.डी. बी. ५०८१) वरून धरणगावकडून गावी कामतवाडी येथे घरी परत जात होता. यावेळी निशाने फाट्याजवळ चोपडाकडून येणारी पिकअप गाडीने (क्र.०४. डी. डी. ५२१५) त्याच्या दुचाकीला जबर धडक दिली. या अपघातात प्रवीणचे दोन्ही पाय आणि ऊजवा हात फॅक्चर झालाय. या प्रकरणी गुलाब भबुत पाटील (वय ४४ रा. कमतवाडी ता. धरणगाव) यांच्या फिर्यादीवरून पिकअप गाडी चालक (नाव-गाव माहित नाही) विरुध्द गुन्हा दाखल करण्यात आला असून पुढील तपास पो.ना. चंदुलाल सोनवणे हे करीत आहेत.