जळगाव (प्रतिनिधी) मुंबई येथे नियुक्त असलेला रेल्वे पोलिस सुट्टीनिमित्त म्हसावद येथे आला होता. कामानिमित्त ते वावडदा येथे गेले होते. काम आटोपून घराकडे निघालेल्या रेल्वे पोलिसाच्या वाहनाला भरधाव अज्ञात वाहनाने धडक दिली. या अपघातात दिपक जयसिंग बाविस्कर (वय-३२ रा. म्हसावद) यांचा जागीच मृत्यू झाल्याची घटना सोमवारी मध्यरात्री अडीच वाजेच्या सुमारास घडली.
जळगाव तालुक्यातील म्हसावद येथे दिपक बाविस्कर हे आपल्या कुटुंबियांसह वास्तव्यास असून ते मुंबई येथे रेल्वे पोलिसात नियुक्तीस होते. दीपक बाविस्कर हे सुट्टीनिमित्त आपल्या गावी आले होते. सोमवारी रात्री दिपक बाविस्कर हे कामाच्या निमित्ताने दुचाकीने वावडदा येथे गेले होते. तेथील काम आटोपून परत घरी म्हसावदरोडवरील कुरकुरे नाल्याजवळ घडली. याप्रकरणी एमआयडीसी पोलीस ठाण्यात अकस्मात मृत्यूची नोंद करण्यात आली आहे. जाण्यासाठी निघाले असता, म्हसावद आणि वावडदा दरम्यान असलेल्या कुरकुरे नाल्याजवळून जात असतांना अज्ञात वाहनाने दुचाकीला धडक दिली. वाहनाने दिलेली धडक इतकी जोरात होती की, या अपघातात दिपक यांचा जागीच मृत्यू झाला.
ही घटना त्याठिकाणाहून जाणाऱ्या वाहनधारकांच्या लक्षात आल्यानंतर त्याला तातडीने खासगी वाहनाने जिल्हा शासकीय महाविद्यालयात दाखल केले. याठिकाणी वैद्यकीय अधिकारी यांनी तपासणी करीत दीपक बाविस्कर यांना मयत घोषीत केले. याबाबत एमआयडीसी पोलीस ठाण्यात अकस्मात मृत्यूची नोंद करण्यात आली आहे. मयताच्या पश्चात आई, वडील, पत्नी आणि तीन वर्षाची मुलगी असा परिवार आहे.
