चोपडा (प्रतिनिधी) आज दि.२९ रोजी दुपारी विशेष पोलीस महानिरीक्षक, नाशिक परिक्षेत्र नाशिक यांनी परिक्षेत्रातील अवैध धंदे यांचे उच्चांटन करण्यासाठी नेमणुक केलेल्या पथकाने गुप्त माहितीच्या आधारे लाखोंचा गुटखा पकडला आहे.
अकुलखेडा शिवारातील चावरा इंटरनॅशनल स्कुलजवळ हिंगोणाकडुन चोपडा शहराकडे येणाऱ्या रोडवर पोलिसांनी संशयित आयशर पकडली. संशयित आरोपी १) कल्पेश अशोक साळुंखे (वय, २६ वर्षे रा. सिंधी गाव, ता.भडगाव जि.जळगाव (आयशर क्र. MH १९ CY ६९७२ वरील चालक), ललीत माधव जाधव (वय. २६ वर्षे रा. दादावाडी, ता.जि. जळगाव), अमोल युवराज पाटील (वय. २१ वर्षे रा. तुराटखेडा, ता. पारोळा जि. जळगाव) यांनी संगनमताने प्रतिबंधित साठ्याचे ट्रान्सपोर्ट मालक, वाहन मालक व गुटख्याचे साठ्याचा मालक (४) भुषण उमेश पवार (रा. तुराटखेडा, ता. पारोळा जि. जळगाव पुर्ण नाव पत्ता माहित नाही), पंकज राठोड (रा. जळगाव पुर्ण नाव पत्ता माहित नाही), अरुण पाटील (रा. जळगाव पूर्ण नाव पत्ता माहित नाही) यांच्या सांगण्यावरुन संगनमत करुन महाराष्ट्र राज्यात गुटखा बंदी असल्याचे माहिती असून देखील सदर पान मसाला व सुंगधित तंबाखु/सुपारी या असुरक्षित, आरोग्यास घातक/अपायकारक व प्रतिबंधीत अन्न पदार्थ असलेला विमल पानमसाला, व्हि. १ तंबाखु, सागर पान मसाला, राज निवास पान मसाला अवैधरित्या स्वतःच्या आर्थिक फायद्याकरीता तस्करी करत होते.
खरखोन (मध्यप्रदेश) येथील अनोळखी व्यापारी (नाव पत्ता माहित नाही) यांच्या सांगण्यावरुन त्याचे हस्तक नामे (७) निखील (रा. खरघोन राज्य मध्यप्रदेश पुर्ण नाव पत्ता माहित नाही), दिपक (रा. खरघोन राज्य मध्यप्रदेश पुर्ण नाव पत्ता माहित नाही) यांच्याकडून खरेदी करुन तो आयशर (क्र. MH १९ CY ६९७२) या वाहनामध्ये भरुन वाहतुक करतांना एकुण ५९,४६,३०४ रु.किमतीच्या मुद्देमालासह मिळुन आले आहे. सदर बाबत चोपडा शहर पोलीस ठाणे येथे गु.र.नं. /२०२४ भा.द.वि.कलम ३२८,२७२,२७३,१८८,१०९,३४ प्रमाणे गुन्हा दाखल करण्याची तजविज असुन सदर कारवाई विशेष पोलीस महानिरीक्षक, नाशिक परिक्षेत्राचे डॉ. बी.जी.शेखर यांच्या मार्गदर्शनाखाली त्यांच्या विशेष पथकातील अधिकारी व अंमलदार यांनी केली आहे. दरम्यान, शेवटचे वृत्त हाती आले तेव्हा विशेष पोलीस महानिरीक्षक पथकातील पो हे कॉ रवींद्र स्वरूपसिंग पाडवीयाच्या फिर्यादीवरून विरुद्ध गुन्हा दाखल करण्याचे काम सुरु होते.
