अकोला (वृत्तसंस्था) अकोला शहरापासून हाकेच्या अंतरावर असणाऱ्या राष्ट्रीय महामार्ग क्रमांक सहा वर मध्यरात्री भीषण अपघात झाला आहे. रिधोरा येथील रिलायन्स पेट्रोल पंपाजवळ कार आणि ट्रकच्या भीषण अपघात तिघे जण जागीच ठार झाले आहेत. तर एकाने उपचारादरम्यान प्राण गमावले. या दोन वाहनांची धडक इतकी भीषण होती, की कारचा अक्षरशः चुराडा झाला आहे.
शेगावकडून एमएच 37 G 8262 ही कार वाशिमकडे जात होती, त्यावेळी विरुद्ध दिशेने येणाऱ्या ट्रकने कारला जोरदार धडक दिली. या अपघातात कारमधील तिघांचा जागीच मृत्यू झाला तर गंभीर जखमी झालेला चौथा उपचारादरम्यान मृत्युमुखी पडला. घटनेची माहिती मिळताच बाळापूर पोलीस स्टेशनचे ठाणेदार दत्तात्रय आव्हाळ आपल्या ताफ्यासह घटनास्थळी दाखल झाले. अपघात एवढा भयंकर होता की त्यात कारचा अक्षरशः चुराडा झाला, तर तिघा जणांना घटनास्थळीच आपले प्राण गमवावे लागले. एकाला गंभीर अवस्थेत पुढील उपचारासाठी अकोला सरोपचार रुग्णालयात पाठवण्यात आले. मात्र उपचारादरम्यात जखमी व्यक्तीचा आज सकाळी मृत्यू झाला. मिळालेल्या माहितीनुसार मृतक वाशिम जिल्ह्यातील मालेगाव तालुक्यात येत असलेल्या पांगरीकुटे येथील रहिवासी होते. पुढील तपास बाळापूर पोलीस करत आहेत.
