अमळनेर (प्रतिनिधी) रस्त्यावर उभ्या असलेल्या ट्रॅक्टरला दुचाकीने धडक दिल्याने पिळोदा येथील वृद्ध दाम्पत्याचा जागीच मृत्यू झाल्याची दुर्दैवी घटना ४ रोजी सायंकाळी साडेसहा वाजेच्या सुमारास गांधली रस्त्यावरील सप्तशृंगी मंदिराजवळ घडली.
पिळोदा येथील युवराज दयाराम पाटील (वय ६२) व त्यांच्या पत्न ी मंगलबाई युवराज पाटील (वय ५५) हे दुचाकीवर पारोळा येथे गेले होते. सायंकाळी पिळोदा गावाकडे परत येत असताना सप्तशृंगी मंदिराजवळ उभ्या असलेल्या ट्रॅक्टरला त्यांच्या दुचाकीची जबर धडक झाली. या अपघातात युवराज पाटील यांचा जागीच मृत्यू झाला तर मंगलबाई यांचा श्वास सुरू असल्याने त्यांना तातडीने उपचारासाठी रुग्णालयात दाखल करण्यात आले होते. मात्र, काही वेळातच उपचार घेत असताना त्यांचाही मृत्यू झाला. त्यांच्या पश्चात भाऊ व दोन मुली असा परिवार आहे. या प्रकरणी पोलिसांत अपघाताची नोंद करण्यात आली आहे.
