धरणगाव (प्रतिनिधी) तालुक्यातील पिंप्री खुर्द गावातील एका ३४ वर्षीय तरूणाने राहत्या घरात छताला दोरीने गळफास घेवून आत्महत्या केल्याची घटना रविवारी २८ जुलै रोजी सायंकाळी ७ वाजता उघडकीस आली. याप्रकरणी धरणगाव पोलीस ठाण्यात अकस्मात मृत्यूची नोंद करण्यात आली. नितेश संतोष पाटील (वय ३४ रा पिंप्री खुर्द ता. धरणगाव), असे मयत तरूणाचे नाव आहे.
नितेश पाटील हा तरूण धरणगाव तालुक्यातील पिंप्री खुर्द गावात आपल्या कुटुंबासह वास्तव्याला आहे. रविवारी २८ जुलै रोजी सायंकाळी ७ वाजेच्या सुमारास त्याने राहत्या घराच्या लोखंडी कडीला दोरीच्या सहाय्याने गळफास घेवून आत्महत्या केली. आत्महत्या करण्याचे कारण समोर आलेले नाही. नातेवाईकांनी त्याला खाली उतरवून धरणगाव ग्रामीण रूग्णालयात दाखल केले असता वैद्यकीय अधिकारी यांनी मयत घोषीत केले. याबाब धरणगाव पोलीसात अकस्मात मृत्यूची नोंद करण्यात आली आहे.
