जळगाव(प्रतिनिधी) : शहरातील तांबापूर भागात फटाके फोडण्याच्या वादातून संजयसिंग प्रदीपसिंग टाक (वय १९) या तरुणाचा मंगळवारी रात्री दहा वाजता धारदार शस्त्राने खून करण्यात आला आहे.
संजयसिंग याच्या बचावासाठी आलेल्या वडील प्रदीपसिंग, काका बलवंत सिंग व बग्गा सिंग टाक यांच्यावरही प्राणघातक हल्ला करण्यात आला. या घटनेनंतर रात्री अकरा वाजेपर्यंत शासकीय वैद्यकीय महाविद्यालय व रुग्णालयातही तणावाचे वातावरण होते. या घटनेनंतर सोनू सिंग याच्या वडिलांसह दोन जणांना ताब्यात घेण्यात आले. मोनुसिंग, सोनुसिंग, मोनासिंग बावरी या तिघांनी हा हल्ला केल्याची माहिती प्रदीपसिंग व बग्गा सिंग यांनी दिली. घटनेच्या वेळी दोन्ही गटात दगडफेक झाली. सोमवारी रात्री संजयसिंग यांच्या घरासमोर सोनूसिंग व त्याच्या भावाने फटाके फोडले होते. संजयने त्यांना विरोध केल्याने वाद झाला होता. हा वाद पुन्हा मंगळवारी रात्री दहा वाजता उफाळून आला. त्यातून हि घटना घडली.
