जळगाव (प्रतिनिधी) राष्ट्रवादीचे महानगराध्यक्ष अभिषेक पाटील यांनी आपल्या पक्ष कार्याचा अहवाल पक्षाचे प्रमुख शरद पवार यांच्याकडे नुकताच सुपूर्द केला आहे. यावेळी त्यांच्यासोबत अॅड. कुणाल पवार हे उपस्थित होते.
अभिषेक पाटील यांनी बुधवारी मुंबईत शरद पवार यांची भेट घेऊन पक्षवाढीचा आढावा अहवाल सादर केला. अभिषेक पाटील यांनी वेळोवेळी केलेले आंदोलन, निवेदने, निषेध मोर्चे आदींच्या माध्यमातून पक्ष वाढीसाठी खूप प्रयत्न केले आहेत. गत विधानसभा निवडणुकीत कमी वेळ मिळून देखील जोरदार लढत दिली होती. यानंतर त्यांनी महानगराध्यक्ष पदाची जबाबदारी देखील चांगल्या पद्धतीने निभावत वेळोवेळी निवेदने, निषेध मोर्चे, विविध आंदोलनांच्या माध्यमातून पक्षाच्या वाढीसाठी काम केले आहे. याबाबतचा कार्य अहवाल पक्षाचे प्रमुख शरद पवार यांना सादर केला. याप्रसंगी त्यांच्या सोबत अॅड. कुणाल पवार हे उपस्थित होते.
