जळगाव (प्रतिनिधी) एकलग्न गावाजवळ एका ट्रकने दुचाकीला दिलेल्या धडकेत एकाचा मृत्यू झाला असून एक जखमी झाला आहे. या घटनेत पाच दिवसांच्या चिमुकल्याचे पितृछत्र हरपले आहे.
पाच दिवसांपूर्वी जन्मलेल्या चिमुकल्याचे वडील हरसिंग भिला राठोड (वय ३५, रा. सारवातांडा ता.. पारोळा) यांचा धरणगाव तालुक्यातील एकलग्नजवळ ट्रकच्या धडकेत मृत्यू झाल्याची घटना सोमवारी सायंकाळी घडली. सूत्रांकडून मिळालेल्या माहितीनुसार, हरसिंग राठोड हे जळगावहून घरी सारवातांडा येथे मित्रासोबत दुचाकीने निघाले होते. संध्याकाळी एकलग्न गावाजवळ गुजरातकडील एका ट्रकने मागून त्यांना धडक दिली. त्यात दुचाकीवरील दोघे खाली पडले. यात हरसिंग राठोड व त्याचा मित्र जखमी झाला होता. त्यांना जीएमसीत दाखल करण्यात आले. यावेळी हरसिंग राठोड यांना डॉक्टरांनी मृत घोषित केले.
