छत्रपती संभाजीनगर (वृत्तसंस्था) एमआयडीसीमध्ये हातमोजे बनविणाऱ्या शनिवारी मध्यरात्री २ वाजता भीषण आग लागली. या आगीत सहा कामगारांचा होरपळून मृत्यू झाल्याचे वृत्त आहे.
अग्नितांडवात मृत झालेल्यांमध्ये एका ज्येष्ठ कामगार आणि एका अठरा वर्षीय युवकाचाही समावेश आहे. अग्रिशमन दलाकडून मिळालेल्या माहितीनुसार मुश्ताक शेख (वय ६५), कौशर शेख (वय ३२), इक्बाल शेख (वय १८), ककनजी (वय ५५), रियाजभाई (वय ३२), मरगुम शेख (वय ३३) अशी मृतांची नावे आहेत. घाटीत दाखल केलेले मृतदेह जळीत नव्हते. काही कामगारांचा धुरात गुदमरून मृत्यू झाला असावा, असा प्राथमिक अंदाज व्यक्त होत आहे.
वाळूज औद्योगिक परिसरात सनशाईन एंटरप्राईज सी 216 या हँडग्लोज बनवणाऱ्या कंपनीमध्ये सुमारे 20 ते 25 कामगार काम करतात. 10 कामगार कामगार कंपनीमध्ये राहतात. सगळे झोपेत असताना अचानक आग लागली. काही झोपलेल्या कामगारांना गरम वाफ लागल्याने जाग आली, तेव्हा त्यांना आग लागल्याचे लक्षात आले. यानंतर जीव वाचण्यासाठी कामगारांची पळापळ सुरु झाली. बाहेर निघण्याच्या मार्गावरच आग लागल्याने बाहेर पडणे कुणालाही शक्य झाले नाही. याचवेळी कंपनीत असलेली एक सीडी लावून कंपनीचे वरील पत्र बाजूल करून बाहेर पडण्याचा प्रयत्न केला. पत्र्यावर येऊन एका झाडाच्या मदतीने चार लोकं बाहेर पडलो. मात्र, इतर लोकांना बाहेर पडणं शक्य झाले नाही.
अग्निशमन दलाचे जवान हे रांगत रांगत वरच्या मजल्यावर पोहोचले. जेव्हा या जवानांनी खोलीत पाहिलं तेव्हा त्यांना समोर अत्यंत हृदयद्रावक असं दृश्य दिसलं. त्या खोलीत सहा जण मृतावस्थेत दिसले. त्यात एक श्वानही होता. त्याचे पाय वर झालेले होते, तेव्हाच जवानांना कळालं की ते जिवंत नसतील. या फॅक्ट्रीच्या चारही बाजुने आग लागलेली होते आणि हे लोक आत पहिल्या मजल्यावर अडकलेले होते, अशी माहिती अधिकाऱ्याने दिली. ही आग कशी लागली याबाबत सध्या काहीही माहिती नसल्याचंही अग्निशमन दलाच्या अधिकाऱ्यांनी सांगितलं.
