जळगाव (प्रतिनिधी) राष्ट्रवादीचे नेते एकनाथराव खडसे यांची काल ईडी कार्यालयात तब्बल नऊ तास चौकशी झाली. यावर माजी मंत्री गुलाबराव देवकर यांनी प्रतिक्रिया दिली आहे. आजही आमच्या प्रदेशाध्यक्षांनी त्यांच्या संदर्भात प्रतिक्रिया दिलेली आहे. राष्ट्रवादी काँग्रेस पक्ष हा एकनाथराव खडसे यांच्या सोबतच असल्याची ग्वाही देवकर यांनी यावेळी दिली.
नाथाभाऊंनी राष्ट्रवादीत प्रवेश केलेला आहे. निश्चितपणाने त्यांचा सन्मान राष्ट्रवादीने आणि पवार साहेबांनी ठेवलेला आहे. भविष्यामध्ये राजकीय पुनर्वसन करण्यासाठी निश्चितपणाने राष्ट्रवादी काँग्रेस पक्ष विचार करणार आहे. राजकारणामध्ये अशा घडामोडी माणसाच्या आयुष्यात येत असतात. राजकारणामध्ये चढउतार पण असतात. परंतु, जे काही सत्य असतं हे सत्य केव्हाही निश्चितपणाने समोर येत. त्यामध्ये सत्य भूमिका असेल तर निशचितपणे त्यातून माणूस बाहेर पडतो, अस माजी मंत्री गुलाबराव देवकर म्हणाले.
पुढे ते म्हणाले की, आजही आमच्या प्रदेशाध्यक्षांनी त्यांच्या संदर्भात स्टेटमेंट दिलेल आहे. राष्ट्रवादी काँग्रेस पक्ष हा त्यांच्या सोबतच असल्याची ग्वाही त्यांनी दिली.
