जळगाव (प्रतिनिधी) अमळनेर येथील दंगल प्रकरणी पोलीस कोठडीत असलेले अश्फाक शेख सलीम यांचा न्यायालयीन कोठडीत जाताच तीन तासाच्या आत शासकीय रुग्णालय जळगाव येथे मृत्यू झाल्याप्रकरणी तत्कालीन पोलीस निरीक्षक रामदास वाकडे, सहा. पो.नी. राकेशसिंह परदेशी आणि सोबत असलेले पोलीस कर्मचारी यांना निलंबित करून सीआयडी चौकशी त्वरित पूर्ण करा, अशा आशयाची तक्रार घेऊन जळगाव शहर व अमळनेर येथील शिष्टमंडळाने पोलीस अधीक्षक एम. राजकुमार यांना साकडे घातले.
पोलीस अधीक्षक एम.राजकुमार यांनी शिष्टमंडळाचे सर्व ऐकून याप्रकरणी सीआयडी चौकशी होणार असून चौकशीत व पोस्टमार्टम रिपोर्ट प्रमाणे जो कोणी दोषी आढळेल त्यांच्यावर कारवाई करण्यात येईल असे आश्वासन दिले.
शिष्टमंडळाचे ४ पाणी निवेदन !
१) एफआयआर क्रमांक २१४/२३ यात एका विशिष्ट समुदायाच्या लोकांनाच आरोपी करण्यात आले असून त्याबाबत चौकशी करून ज्यांचा संबंध नाही त्यांना त्वरित सोडण्यात यावे.
२) अश्फाक शेख सलीम याच्यावर पायाची शस्त्रक्रिया झाली असल्याने तो घरात असताना त्याला घरातून मारून झोडपून घेऊन गेले होते.
३) १३ जूनला त्याची प्रकृती बिघडल्यामुळे अमळनेरहून जळगावला दवाखान्यात आणताना सुद्धा त्यांच्या घरच्या लोकांना कुटुंबीयांना येऊ दिले नाही. त्यानंतर दुसऱ्या दिवशी तो मरण पावला. त्यामुळे मृतकची आई श्रीमती सबनूर बी शेख सलीम यांनी गुरुवारी दाखल केलेल्या तक्रारीवरून पो.नि. रामदास कावडे, सहा.पो. राकेशसिंह व कामगिरीवरील पोलीस यांना त्वरित निलंबित करा अशा मागण्या करण्यात आलेल्या आहेत.
शिष्टमंडळात यांचा होता समावेश !
प्रतिभा शिंदे, सुमित्र अहिरे, सचिन धांडे, मुकुंद सपकाळे, सचिन अहिरे, फारुख शेख योगेश बाविस्कर, अजिज सालार, नदीम मलिक, रियाज बागवान, रयान जागीरदार, मजहरखान, अनिस शहा, अनवरखान, फिरोज शेख,यासिन मुलतानी, वसीम खान, रऊफ खान तर अंमळनेरचे रियाजुद्दीन उर्फ मौलाना,अब्दुल रज्जाक, मेहराज अलाउद्दीन शेख, हसन अली मोहम्मद अली, जळगाव चे सईद शेख, मुजाहिद खान, रफिक शेख, आदींचा समावेश होता
