अमळनेर (प्रतिनिधी) शेतातील झाडावरून तोल जावून खाली पडून गंभीर जखमी झालेल्या अमळनेर तालुक्यातील पातोंडा येथील ईश्वर हिरामण पाटील वय ४७ रा. पातोंडा ता.अमळनेर हे शेतकरी गंभीर जखमी झाल्याची घटना १४ सप्टेंबर रोजी घडली होती. चोपडा उपजिल्हा रूग्णालयात त्यांच्यावर उपचार सुरू असतांना सोमवारी २३ सप्टेंबर रोजी दुपारी २ वाजता मृत्यू झाला आहे. याप्रकरणी अमळनेर पोलीस ठाण्यात अकस्मात मृत्यूची नोंद करण्यात आली आहे.
ईश्वर पाटील हे आपल्या कुटुंबियांसह वास्तव्याला होते. शेतीचे काम करून ते आपला उदरनिर्वाह करत होते. १४ सप्टेंबर रोजी दुपारच्या सुमारास ते शेतात वखरटी करत असतांना त्यांना झाडाची फांदी आडवी आली होती. त्यामुळे झाडावर चढून फांदी तोडत असतांना त्यांचा तोल गेल्याने ते झाडावरून पडले. त्यात ते गंभीर जखमी झाले. त्यांना तातडीने चोपडा येथील उपजिल्हा रूग्णालयात उपचारार्थ दाखल करण्यात आले. त्यांच्यावर उपचार सुरू असतांना सोमवारी २३ सप्टेंबर रोजी दुपारी २ वाजता मृत्यू झाला. याप्रकरणी अमळनेर पोलीस ठाण्यात अकस्मात मृत्यूची नोंद करण्यात आली. पुढील तपास पोहेकॉ सुनिल जाधव हे करीत आहे.
