अमळनेर (प्रतिनिधी) येथील प्रतिमा पुरुषोत्तम चौधरी हिने संपूर्ण खान्देशासहित मराठी मुलींसमोर एक आदर्श ठेवला आहे. तिने परदेशात थोडीथोडकी नव्हे तर तब्बल 5 लाख प्रति महिना पगाराची म्हणजेच 60 लाखाच्या पॅकेजची नोकरी मिळवली आहे.
मुलीने मेहनतीच्या आणि जिद्दीच्या जोरावर थेट परदेश गाठले आहे. तिच्या कामगिरीचे सर्वत्र कौतुक होत आहे. प्रतिमाने उत्तर महाराष्ट्र विद्यापीठाशी संलग्न महाविद्यालयातून E&TC शाखेतून अभियांत्रिकीची पदवी मिळवून त्यानंतर तिने पुढील उच्चशिक्षणासाठी लिव्हरपुल विश्वविद्याल लंडन, युनायटेड किंग्डम ym तेथून तिने एम.बी.ए ची पदवी संपादन केली. तिला आपल्या उच्चशिक्षणाच्या जोरावर “क्रोनाच, जर्मनी” या देशात “लियर कॉर्पोरेशन” या कंपनीत तब्बल साठ (60) लाखाचे पॅकेज मिळाले आहे.
प्रतिमाने यावर प्रतिक्रिया देताना म्हटलें आहे की, यशासाठी कुठलाही जलदमार्ग नाही, तुमची मेहनत जितकी कठोर असेल त्याचे फळ आपल्याला तितकेच गोड मिळेल. तिने केलेल्या प्रयत्नांना यश लाभले, ते केवळ कुटुंब आणि शिक्षकवृंद यांच्या आशीर्वादाने आणि आपल्या अथक प्रयत्नांनी…तिचा आदर्श घेऊन इतरही मुली तिच्या पावलांवर नक्कीच पाऊल टाकतील आणि आपल्या जिल्ह्याचे व देशाचे नाव नक्कीच लौकिक करतील, अशा आशावाद यानिमित्ताने निर्माण झाला आहे.
