मुंबई (वृत्तसंस्था) राज्याचे विधानसभेचे विरोधी पक्षनेते देवेंद्र फडणवीस यांच्या पत्नी अमृता फडणवीस यांनीही आता वाझे प्रकरणात उडी घेतली आहे. उद्योगपती मुकेश अंबानी यांच्या घराबाहेर सापडेलल्या स्फोटकांवरुन राज्यात सुरु असलेल्या घडामोडीवर भाष्य करताना अमृता फडणवीस यांनी ठाकरे सरकारवर निशाणा साधला आहे. “व्यवहार माझे, जबाबदार वाझे!, सांगा पाहू कोणकोणास म्हणाले”, असं ट्विट अमृता फडणवीस यांनी केलं आहे.
राज्याचे विरोधी पक्षनेते देवेंद्र फडणवीस यांच्या पत्नी अमृता फडणवीस या सोशल मीडियावर प्रचंड सक्रिय असतात. बऱ्याचदा त्या अनेक राजकीय विषयांवरही भाष्य करत असतात. आता मुकेश अंबानी यांच्या घराबाहेर गाडीमध्ये स्फोटकं ठेवण्याच्या प्रकरणात त्यांनी पुन्हा एकदा ठाकरे सरकारवर हल्लाबोल केलाय. अमृता फडणवीसांच्या ट्विटवरुन आता अनेक तर्कवितर्क बांधले जात आहेत. व्यवहार माझे, जबाबदार वाझे, सांगा पाहू, असं म्हणत वाझे प्रकरणाच्या आडून त्यांनी ठाकरे सरकारला टोला लगावला आहे. व्यवहार माझे म्हणजे नक्की कोणाचे याबाबतही त्यांनी सूचक विधान करत चर्चेला विषय दिलाय.
चेल्यांना हाताशी धरून उद्योगपतींना धमकावून त्यांच्याकडून पैसे उकळण्याच्या योजना
काही दिवसांपूर्वी, अमृता फडणवीस यांनी आपल्या ट्विटमधून कोविड काळात राज्य सरकारकडून भ्रष्टाचार झाल्याचा आरोप केला होता. “एका बाजूला नागपुरात कोरोना रुग्णांना दाखल करण्यासाठी रुग्णालयात जागा नाहीत. तर दुसरीकडे महाराष्ट्र सरकार कोविड सेंटर्समध्ये भ्रष्टाचार करत आहे. तसेच आपल्या चेल्यांना हाताशी धरून उद्योगपतींना धमकावून त्यांच्याकडून पैसे उकळण्याच्या योजना आखल्या जात आहेत”, असं ट्विट केलं होतं.
