चोपडा (प्रतिनिधी) शहरातील पंकज नगर भागातील एका घराचा आतील भागात प्लास्टरचे काम करण्या करता बांधण्यात आलेल्या चार फूट उंचीवर असलेल्या फालकवरून पडून युवकाचा मृत्यू झाल्याची घटाना नुकतीच घडली आहे. आबीदखा गफ्फारखा पठाण (वय 35 रा. हमीद नगर), असे मयत युवकाचं नाव आहे.
याबाबत डॉ. चंद्रहास पाटील उपजिल्हा रुग्णालय चोपडा यांनी पो.स्टे ला फोनद्वारे खबर दिली की, यातील मयत आबीदखा गफ्फारखॉ पठाण हा घराचे प्लास्टर करित असतांना तोल जावून जमिनीवर पडला. यात त्याला जबर मार लागला. आबिदखाला त्याच्या नातेवाईकांनी उपजिल्हा रुग्णालय चोपडा येथे दाखल केले असता डॉक्टरांनी त्यास तपासून मयत घोषीत केले.
या प्रकरणी चोपडा शहर पोलिस ठाण्यात अकस्मात मृत्युची नोंद करण्यात आली आहे. पुढील प्राथमीक तपास पोहेकॉ श्रावण जवरे हे करीत आहेत. दरम्यान, घरातील कर्ता व्यक्ती निघून गेल्याने सर्वत्र हळहळ व्यक्त करण्यात येत आहे.
