भुसावळ (प्रतिनिधी) मॉर्निंग वॉकला निघालेल्या प्रौढाला भरधाव ट्रकने चिरडल्याची घटना मंगळवारी सकाळी महामार्गावरील एसएसडी ऑटो पार्ट दुकानासमोर घडली. अशोक बरखतमल बजाज (50, रा.सिंधी कॉलनी, भुसावळ), असे या अपघातातील मयताचे नाव आहे.
अपघातानंतर ट्रक चालकासह क्लीनरने धूम ठोकली. मंगळवारी सकाळी नित्य नियमाप्रमाणे अशोक बरखतमल बजाज हे पायी फिरण्यासाठी निघाल्यानंतर भरधाव ट्रकने (एमएच 18 बीजी 6834) ने त्यांना पाठीमागून धडक दिली. ट्रकच्या धडकेने बजाज यांच्या डोक्याचा चेंदामेंदा झाला असल्याचे दृश्य बघून अनेकांचा थरकाप उडाला होता. ट्रामा केअर सेंटरमध्ये मृतदेहाचे शवविच्छेदन करण्यात आले व सायंकाळी उशिरा अंत्यसंस्कार करण्यात आले. अज्ञात ट्रक चालकाविरुध्द जगदीश गुलाबराव नागदेव यांनी दिलेल्या फिर्यादीवरुन गुन्हा दाखल करण्यात आला.