टेंभुर्णी (वृत्तसंस्था) खते व शेतीविषयक औषधे निर्माण करणाऱ्या कंपनीवर कोणतीही कारवाई न करण्यासाठी पन्नास हजार रुपये लाचेची मागणी करून ती स्वीकारताना पुणे येथील गुणवत्ता नियंत्रण अधिकाऱ्यासह एकाला लाचलुचपत प्रतिबंधक विभागाच्या अधिकाऱ्यांनी रंगेहाथ पकडले आहे. ही कारवाई रविवारी (दि. २०) करण्यात आली. दत्ता नारायण शेटे (वय ४२, तंत्र अधिकारी गुणवत्ता नियंत्रण, नेमणूक विभागीय कषी सहसंचालक कार्यालय पणे)
आणि प्रमोद वाल्मीक सुरवसे (वय ३९, रा. हरीहर महाराज मठाजवळ, पंढरपूर) अशी संशयितांची नावे आहेत. पुणे येथील विभागीय कृषी सहसंचालक कार्यालयातील दत्ता शेटे यांनी जळोली (ता. पंढरपूर) येथील तक्रारदार यांच्या खते व शेती औषधे कंपनीत धाड टाकून तेथील सॅम्पल घेतले होते. यानंतर कारवाई न करण्यासाठी त्यांच्याकडे पन्नास हजार रुपयांच्या लाचेची मागणी केली होती. ती रक्कम स्वीकारून गाडीमध्ये ठेवली होती. यावेळी लाचलुचपत प्रतिबंधक विभागाच्या अधिकाऱ्यांनी वाहनाची झडती घेतली असता पन्नास हजार रुपयांव्यतिरिक्त इतर रक्कम मिळून आली. एकूण रक्कम ६ लाख १४ हजार रुपये जप्त करण्यात आले आहेत. ही कारवाई सोलापूर लाचलुचपत प्रतिबंधक विभागाचे पो.नि. उमाकांत महाडिक, पोलीस हवालदार अतुल घाडगे, पोलीस हवालदार सलिम मुल्ला, पोलीस कॉन्स्टेबल स्वामीराव जाधव, चालक राहल गायकवाड यांनी पार पाडली
