भुसावळ (प्रतिनिधी) नातीशी लग्न करण्यास नकार दिल्याच्या रागातून भाच्याने आपल्या मामीला जीवे मारण्याचा प्रयत्न केल्याची घटना उघडकीस आली आहे. याप्रकरणी भुसावळ पोलीस स्थानकात रवींद्र आत्माराम बुनगाडे (वय २५, रा. विचवे ता. बोदवड) याच्याविरुद्ध गुन्हा दाखल करण्यात आला असून त्याला अटक करण्यात आली आहे.
यासंदर्भात सुमनबाई हिरामण पवार (वय ५५, रा. पवार गल्ली साकेगांव ता. भुसावळ) यांनी दिलेल्या फिर्यादीनुसार, दि. १६ मे २०२२ रोजी रात्री १.३० वाजेच्या सुमारास भुसावळ तालुक्यातील साकेगावच्या पवार गल्लीत राहणाऱ्या सुमनबाई यांचा भाचा रविंद्र यास नात सपना हिचेशी लग्न करण्यास सुमनबाई यांनी त्याला नकार दिला. या रागातून रवींद्र सुमनबाई यांच्या घरी आला आणि त्यांना जिवेठार मारण्याचे उद्देश्याने नाका, तोंडावर उशी ठेवून गळयावर, मानेवर हातावर कोणत्यातरी धारदार वस्तुने वार करुन जीवे ठार मारण्याचा प्रयत्न केला. याप्रकरणी भुसावळ पोलीस स्थानकात रवींद्र आत्माराम बुनगाडे (वय २५, रा. विचवे ता. बोदवड) याच्याविरुद्ध गुन्हा दाखल करण्यात आला असून आरोपीला अटक करण्यात आली असून पुढील तपास सपोनि अमोल पवार हे करीत आहेत.
