मुंबई (वृत्तसंस्था) अनिल अंबानी यांच्या अडचणीत अजून वाढ होण्याची शक्यता आहे. स्टेट बँक ऑफ इंडियासह देशातील ३ प्रमुख बँकांनी अनिल अंबानी यांच्या रिलायन्स कम्युनिकेशन्स लिमिटेडच्या बँक खात्यांना फ्रॉड करार दिला आहे. SBI सह यूनियन बँक ऑफ इंडिया आणि इंडियन ओवरसीज बँकेनं RCOM फ्रॉड म्हटलंय.
अनिल अंबानीच्या अनिल धीरूभाई अंबानी ग्रुपच्या अनेक कंपन्या विकत आहेत, अशा परिस्थितीत त्यांच्यासाठी अधिक कठीण झाले आहे. बँकांच्या संघटनेने रिलायन्स ग्रुपच्या रिलायन्स कम्युनिकेशन्स कंपनीच्या बँक खात्यास फसवणूक म्हटले आहे. SBI आणि यूनियन बँक ऑफ इंडियानं रिलायन्स टेलिकॉम लिमिटेडलाही फ्रॉड करार दिला आहे. SBI आणि अन्य दोन राष्ट्रीयीकृत बँकांनी NCTL मुंबईकडून रिलायन्स इन्फ्राटेलच्या रिझोल्युशन प्लॅनला मंजुरी देण्यात आल्यानंतर अवघ्या काही आठवड्यांमध्येच हे कठोर पाऊल उचललं आहे. रिलायन्स जिओ ग्रुप हा रिलायन्स डिजिटल प्लॅटफॉर्म असलेल्या रिलायन्स इंफ्राटेलसाठी एक यशस्वी आवेदक ठरला आहे. कर्जदात्यांना रिलायन्स डिजिटल कडून ४ हजार ४०० रुपयांचं कर्ज मिळेल. देशभरात रिलायन्स इंफ्राटेलचे ४३ हजार टॉवर आणि १ लाख ७२ हजार किलोमीटरचं फायबर नेटवर्क आहे. कर्जजातांनी RCOM आणि RTL च्या रिझॉल्यूशन प्लॅनला मंजुरी दिली आहे. आता रिझॉल्यूशन प्लॅनला नॅशनल कंपनी लॉ ट्रिब्यूनल मुंबई (NCTL)कडून मंजुरी मिळण्याची प्रतीक्षा आहे.
उद्योगपती अनिल अंबानी यांच्या रिलायन्स ग्रुपची रिलायन्स होम फायनान्स कंपनीची विक्री प्रक्रिया चालू आहे. ही कंपनी खरेदी करण्याची बाजारातील बड्या कंपन्यांनी तयारी दाखवली आहे. ज्यामध्ये अ‌ॅसेट रिकन्स्ट्रक्शन कंपनीसह ऑथम इन्वेस्टमेंट प्रा.लिमिटेड सारख्या बड्या कंपन्यांचा समावेश आहे. रिलायन्स होम फायनान्सला खरेदी करण्यासाठी ६ कंपन्यांनी बोली लावली आहे. रिलायन्स होम फायनान्स कंपनीसाठी कोटक स्पेशल सिच्युएशन फंड, अ‌ॅसेट रिकन्स्ट्रक्शन कंपनी, ऑथम इन्वेस्टमेंट प्रा.लिमिटेड यासह अन्य कंपन्यांनी बोली लावली आहे.
