धरणगाव (प्रतिनिधी) येथील शतकोत्तर पी.आर.हायस्कूलच्या विद्यार्थ्यांनी आज आषाढी एकादशी निमित्त विठूरायाचा नामघोष करत टाळ, मृदुंगाच्या गजरात धरणगावात मुख्य रस्त्यावर दिंडी काढली.
शाळेचे मुख्याध्यापक डॉ. संजीवकुमार सोनवणे यांनी पालखीत ठेवलेल्या ज्ञानोबा, नामदेव आणि तुकाराम गाथांचे पुजन करून दिंडीला सुरूवात केली.यावेळी उपमुख्याध्यापक डॉ.सौ.आशा शिरसाठ, पर्यवेक्षक श्री.कैलास वाघ, ज्येष्ठ शिक्षक श्री.बी.डी.शिरसाठ, श्री.यु.एस.बोरसे आणि एनसीसी अधिकारी श्री.डी.एस.पाटील यांनीही पालखीचे पूजन केले.वारकरी संप्रदायाच्या वेषात,टाळ मृदंगाच्या ठेक्यात,रिंगण करून, फुगडी खेळत विद्यार्थ्यांची दिंडी सकाळीच शहराच्या मुख्य रस्त्यावर फिरवण्यात आली.या पालखी दिंडीमध्ये विद्यार्थी मोठ्या उत्साहाने सहभागी झाले होते.घरोघरच्या लोकांनी पालखीचे स्वागत करून विठू माउलीचे दर्शन घेतले. दिंडीच्या यशस्वीतेसाठी क्रीडा शिक्षक श्री.मनोज परदेशी, नवनीत सपकाळे,डी.एच.कोळी, योगेश नाईक, मिलिंद हिंगोणेकर, जितेंद्र दाभाडे यांनी परिश्रम घेतले.तर शाळेचे शिक्षक बंधू भगिनी आणि शिक्षकेतर कर्मचारी मोठ्या संख्येने सहभागी झाले होते.
