राजस्थान (वृत्तसंस्था) एका तरुणाला स्वतःच्या काका-काकूने ओलीस ठेवून बेदम मारहाण केल्याची घटना कोटामध्ये घडली आहे. लाजिरवाणी बाब म्हणजे या महिलेनं त्याला लघवी प्यायला लावली. दरम्यान, महिलेच्या पतीनेच या संपूर्ण घटनेचा व्हिडिओ बनवला. व्हिडिओ व्हायरल झाल्यानंतर एकच खळबळ असून आरोपी दाम्पत्याविरोधात गुन्हा दाखल करण्यात आला आहे.
व्हायरल झालेला व्हिडिओ शहरातील अनंतपुरा भागात राहणाऱ्या एका तरुणाचा असल्याची माहिती कोटा एडिशनल एसपी प्रवीण जैन यांनी दिली. पुढे त्यांनी सांगितलं की, त्या तरुणाला एका जोडप्यानं ओलीस ठेवलं होतं. हा तरुण या जोडप्याला काका आणि काकू असल्याचं सांगत आहे. या घटनेत तरुणावर प्राणघातक हल्ला करण्यात आला ज्यामुळे तो बेशुद्ध झाला. त्यानंतर त्या महिलेनं तरुणाला लघवी प्यायला लावली. महिलेचा पती होमगार्डमध्ये असल्याचे सांगितलं जात आहे. हा व्हिडिओ सोशल मीडियावर व्हायरल होत आहे. या प्रकरणात, आता आरोपी जोडप्यावर गंभीर कलमांखाली गुन्हा दाखल करण्यात आला आहे.
मीडिया रिपोर्टनुसार, हा व्हिडिओ १४ सप्टेंबरचा असल्याचे सांगितलं जात आहे. आतापर्यंतच्या पोलिसांच्या प्राथमिक तपासात हे समोर आलं आहे की, ज्या तरुणाला ओलीस ठेवण्यात आलं होतं. जो व्हिडिओमध्ये दिसत आहे, त्याने त्या महिलेवर बलात्कार केल्याचा आरोप आहे. हा तरुण अजूनही तुरुंगात आहे. आता त्याच्या जबाबानंतर पुढील कारवाई केली जाईल. प्राथमिदृष्ट्या हे प्रकरण अवैध संबंधांशी संबंधित असल्याचं मानलं जातं आहे. अनंतपुरा पोलीस स्टेशन या संपूर्ण प्रकरणाचा तपास करत आहे.
