कासोदा, ता. एरंडोल प्रतिनिधी : येथून जवळ असलेल्या मजरे येथे विवाहासाठी आलेल्या चाळीसगाव तालुक्यातील बोरखेडा येथील वराकडील वऱ्हाडी मंडळी व मजरे येथील वऱ्हाडी मंडळी यांच्यात नाचणे व डीजे चालकांच्या क्रमांकावरुन वाद झालेत, यात कुणीतरी अज्ञात व्यक्तीने वराकडील दोघांवर चाकू हल्ला केला.
दरम्यान, हे लग्न मजरे येथे होते, तर हे भांडण हनुमंतखेडे बुद्रुक येथे डीजेच्या क्रमांक व नाचण्याच्या कारणावरून झाल्याचे समजते. या भांडणात वराकडील एका वऱ्हाडीच्या पायाला व दुसऱ्याच्या पोटात चाकूने वार केल्याची चर्चा आहे. तर या घटनेत दोघेही जखमी झाले असून या दोघांनाही जळगाव येथील खासगी रुग्णालयात उपचारार्थ दाखल करण्यात आल्याचे समजते. परंतु, या संदर्भात कासोद पोलीस ठाण्यात उशिरापर्यंत गुन्हा नोंद झालेला नव्हता. तर या घटनेची जखमीसह आरोपींचे नाव उशिरापर्यंत समजले नव्हते.
