चाळीसगाव (प्रतिनिधी) गौण खनिज वाहणारे डंपर वेगात अचानक मागे येत असल्याने भीषण अपघाताची जाणीव होताच पित्याने क्षणाचाही विलंब न करता मुलाला ढकलल्याने तो बचावला. मात्र, मात्र वडील डंपरखाली आल्याने त्यांचा जागीच मृत्यू झाल्याची घटना २७ रोजी तालुक्यातील पिंपरखेड परिसरात घडली. दादाभाऊ जयसिंग गायवाड (वय ५०, रा. हातले ) असे मृत पित्याचे आहे. तर अपघातातून मुलाचे नाव सागर (वय १९) आहे.
चाळीसगाव ते धुळे मार्गाच्या चौपदरीकरणाचे काम सुरू आहे. यासाठी पिंपरखेड धरण परिसरातून मुरूम नेला जात आहे. मंगळवारी दुपारी अडीच वाजेच्या धरण सुमारास पिंपरखेड धरण परिसरातून डंपर (एमएच २० इजी- ६५१२) हा उभा होता. तर या डंपरच्या पाठीमागून दुचाकीने दादाभाऊ गायकवाड हे मासेमारी करून घराकडे जात होते. डंपर चालकाने अचानक डंपर मागे घेतल्याने डंपर मागे असलेल्या गायकवाड यांच्या दुचाकीला जबर धडक बसली. यावेळी दादाभाऊ गायवाड यांनी दुचाकीवरून आपला मुलगा सागर याला बाजूला ढकलल्याने तो बचावला. मात्र, दादाभाऊ यांचा मात्र, मृत्यू झाला. अपघातांनतर चालकाने डंपर सोडून पळ काढला.
चाळीसगाव तालुक्यातील हातले येथील दादाभाऊ गायकवाड हे मुलगा सागरसह मासेमारी करून आपल्या कुटुंबाचा उदरनिर्वाह भागवत होते. दादाभाऊ हे नेहमी प्रमाणे मुलगा सागरसह पिंपरखेड धरणात मासे पकडण्यासाठी आले होते. घरी परतताना हा भीषण अपघात झाला. डोळ्यादेखत वडीलांचा अपघातात मृत्यु झाल्याने सागरला मोठा धक्का बसला होता. घटनास्थळी त्याचा आक्रोश मन हेलावून सोडणारा होता. गायकवाड यांच्या पश्चात पत्नी व दोन मुल असा परिवार आहे. याप्रकरणी चाळीसगाव ग्रामीण पोलिसात डंपर चालकाविरोधात मुलगा सागर याच्या तक्रारीवर गुन्हा दाखल करण्यात आला आहे. मुलासमोरच पित्याचा करून अंत झाल्याने हळहळ व्यक्त होत आहे.
