जळगाव (प्रतिनिधी) सातबारा उतार्‍यावर नाव लावण्यासाठी चार हजारांची लाच स्वीकारताना खिरोद्यातील तलाठ्यासह कोतवालाला जळगाव एसीबीच्या पथकाने रंगेहाथ अटक केल्याने महसूल विभागात एकच खळबळ उडाली आहे. प्रल्हाद प्रमोद प्रल्हाद न्यायदे (खिरोदा) असे अटकेतील तलाठ्याचे तर शांताराम यादव कोळी असे कोतवालाचे नाव आहे.
सात बारा उता-वार तक्रारदाराच्या मयत भावाची पत्नी आणि मुलगा यांचे नाव लावण्याच्या बदल्यात चार हजाराची लाच तक्रारदाराकडून मागण्याचे काम तलाठी व कोतवाल या दोघांनी केले होते. तसेच लाचेची मागणी स्वीकारण्याचे काम तलाठी न्हायदे यांनी कोतवालासमक्ष खिरोदा तलाठी कार्यालयात केले. लाचेची मागणी आणि स्वीकार होताच एसीबी पथकाने दोघांना ताब्यात घेत पुढील कारवाई सुरु केली.
पोलिस उप अधीक्षक शशिकांत पाटील यांच्या मार्गदर्शनाखाली तपास अधिकारी एस.के. बच्छाव, स.फौ.दिनेशसिंग पाटील, स.फौ.सुरेश पाटील, पो.हे.कॉ.अशोक अहिरे, पो.हे.कॉ.सुनिल पाटील, पो.हे.कॉ.रविंद्र घुगे, म.पो.हे.कॉ. शैला धनगर, पो.ना.जनार्दन चौधरी, पो.ना.बाळु मराठे, पो.ना.ईश्वर धनगर, पो.कॉ.राकेश दुसाने, पो.कॉ.प्रदिप पोळ, पो.कॉ.अमोल सुर्यवंशी, पो.कॉ.प्रणेश ठाकुर आदींनी या कारवाईत सहभाग घेतला.
