जळगाव (प्रतिनिधी) बनावट सौदा पावती करून मिळकत हडपण्याचा प्रयत्न केल्याप्रकरणी शहरातील दोन वकिलांसह ११ जणांविरुद्ध जळगाव जिल्हापेठ पोलिसात विविध गंभीर कलमान्वये गुन्हा दाखल करण्यात आल्यामुळे प्रचंड खळबळ उडाली आहे.
याबाबत मनोज लिलाधर वाणी (वय 41 धंदा शेती व व्यापार रा. 22, जिल्हा परिषद कॉलनी) यांनी दिलेल्या फिर्यादीत म्हटले आहे की, त्यांच्या परिचयाचे राजेश घनशाम पाटील (रा. गोकुळ बंगला, शिवरामनगर, चर्चचे समोर, जळगांव) यांना परिवारासह ओळखत होते. मनोज वाणी त्याची पत्नी कल्पना वाणी अशांनी राजेश पाटील यांना मृत्युपत्रान्वये मिळालेली व महसुल दप्तरी त्यांची मालकी असलेली तुकडी जिल्हा जळगाव पोट तुकड़ी तालुका जळगाव पैकी मौजे पिंप्राळा शिवारातील घर जागा व मजल्यावरील बांधीव घरजागा व तळमजल्यावरील सामाईक अविभाज्य व गच्ची मालकीहक्कासह सदरची मिळकत नोंदणीकृत खरेदी खतान्वये प्रत्येकी 30 लाख प्रत्येकी किंमत राजेश पाटील यांना अदा करून त्यांच्याकडून दि.3 ऑक्टोबर 2019 रोजी खरेदी होती. तसेच खरेदी खतानुसार मिळकत वाणी दाम्पत्याच्या ताब्यात आहे.
त्याचप्रमाणे कै. घनशाम लक्ष्मण पाटील यांच्याकडुन भाडेतत्वाचा करारनामानुसार दि. 18 मार्च 2016 रोजी मेहरूण शिवारातील प्लॉट नं. 18 / 2 रामदास कॉलनी, येथे ऑफीससाठी जागा व्यावसायिक वापर करण्यासाठी 10 वर्षाकरीता दरमहा 10 हजार रुपये अशी भाडयाने घेतलेली आहे. वरील मिळकती हया राजेश घनशाम पाटील यांचे मयत वडिल कै. घनशाम लक्ष्मण पाटील यांचा स्वकमायची मिळकती होत्या व त्यांनी मृत्युपत्रानुसार दिनांक 14/ जुलै 2003 अन्वये रोजी राजेश घनशाम पाटील यांना नोदणीकृत करून दिलेल्या होत्या. कै. घनशाम पाटील यांच्या मृत्युनंतर सदरच्या मिळकतीवर नाव लावण्यासाठी राजेश घनशाम पाटील यांनी केलेल्या अर्ज व शपथपत्राप्रमाणे महसुल दप्तरी मालक सदरी त्यांचे नावाची नोंद झाली आहे. सदरची नोंद झाल्यानंतर राजेश घनशाम पाटील यांनी मला व माझ्या पत्नीला नोंदणीकृत खरेदीखत करून दिलेले आहे. सदर राजेश पाटील हे उच्च शिक्षीत व बांधकाम व्यावसायिक असून त्यांचे जळगाव शहरामध्ये जमिनी खरेदी विद्रीचा व्यवसाय सुमारे 30 ते 40 वर्षापासून करीत आहे.
दिनांक 2 नोव्हेबर 2022 रोजी दोन वर्तमानपत्रामधील जाहीर नोटीसीव्दारे मला समजले की, माझे मालकीचे रहाते घर व मी माझे व्यवसायासाठी रामदास कॉलनी 18/2, जळगाव येथील भाडेतत्वावर घेतलेली इमारतीमधील तळमजलेवरील मिळकती बनावट सौदेपावत्या या 1] राजेश घनशाम पाटील यांनी त्यांचे सहकारी 2 ] जितेंद्र बाबुराव देशमुख (रा. पाटीलवाडा, आसोदा ह. मु. अयोध्या प्रोव्हीजन जवळ, अयोध्या नगर, जळगाव), 3] मिलींद नारायण सोनवणे (रा. 7 नुतनवर्षा कॉलनी, महाबळ जळगाव), 4] जगदीशचंद्र पुंडलिक पाटील (रा. गुरु माउली श्रीराम समर्थ कॉलनी, गट नं. 327 प्लॉट नं.5 खोटेनगर स्टॉपजवळ), 5] सुजाता राजेश पाटील (रा. गोकुळ बंगला, शिवरामनगर, चर्चचे समोर, जळगाव), 6] विनिता संजय पाटील (रा. वेद गिरणार महाविद्यापीठ 21 के. एम. कनकपुरा रोड, आर्ट ऑफ लिव्हि ंग आश्रम, उदयपुरा बंगलौर), 7 ] लिना रणजित बंड (रा. बंड ऍन्ड स्पॉ मारोती शोर म, अमरावती), 8] अनिता नितीन चिंचोले (रा. प्लॉट नं. 132, आर्दशनगर, जळगाव), 9]ऍड. सतिश बी. चव्हाण (रा.रामबाग कॉलनी, आयएमआर कॉलेजसमोर, जळगाव), 10]ऍड. सुरेखा डी. पाटील (रा. जळगाव ऑफीस उत्कर्ष प्लॉझा ख्वाजामिया चौक, प्रोग्रेसिव्ह स्कुलसमोर, जळगाव) यांनी आपआपसांत संगनमत करून कटकारस्थान करत मयत कै. घनशाम लक्ष्मण पाटील व हिराबाई लक्ष्मण पाटील यांच्या सोबत त्यांचा दिनांक 3 जानेवारी 2017 रोजी लेखी सौदा पावती करारनामा झाला आहे व सदरचा करारनामा हा रक्कम 45 लाख रुपयाचा झालेला असून त्यापोटी त्यांनी लिहून देणार यांना रक्कम 45 लाख रोख वेळोवेळी रोख अदा केले आहे, अशी सौदा पावतीत नमुद केले आहे.
तसेच माझे घर प्लॉट नं. 10 गट नं.44 मधील सि. स.नं. 7821 या मिळकतीची सौदा पावती लिहून घेणार जितेंद्र बाबुराव देशमुख, मिलींद नारायण सोनवणे, जगदीशचंद्र पुंडलिक पाटील यांच्या सहया असून सौदा पावतीस साक्षीदार म्हणुन मयत कै. घनशाम लक्ष्मण पाटील यांच्या विवाहीत मुली विनिता पाटील , लिना बंड, अनिता चिंचोले, व सुन सुजाता पाटील यांच्या सहया आहेत. सदरची सौदा पावती ही ऍड. सुरेखा डी. पाटील यांनी करून दिलेली असून ती सौदापावती ही ऍड. संतोष बी चव्हाण यांच्याकडून दि. 10 एप्रिल 2017 रोजी नोटरी केलेली असल्याचा शिक्का आहे.
मुळात सदरहू हिराबाई घनशाम पाटील यांच्या नावावर गट नं. 44 पिंप्राळा शिवार सि.स.7821 व सर्व्हे नं. 494, प्लॉट नं.18 मेहरूण शिवार नव्हत्या व नाही. त्यामुळे सदरच्या मिळकती संदर्भात सौदापावती करण्याचा हिराबाई घनशाम पाटील यांना कोणताही हक्क किंवा अधिकार नाही, असे असतांना सौदा पावतीवर हिराबाई पाटील यांना लिहुन देणार दाखविलेले आहे. परंतु सदरचे सौदा पावती पाहता असे दिसून आले की, सौदा पावती करतांना वापरण्यात आलेला स्टॅम्प हा दिनांक 07 ऑक्टोबर 2017 रोजी मिलींद नारायण सोनवणे यांनी करारनामा म्हणुन विकत घेतलेला आहे व सदर स्टॅम्पचा सौदा पावतीसाठी विकत घेतल्याचा उल्लेख नाही. यावरून हे स्पष्ट होते की, दिनांक 3 जानेवारी 2017 रोजी कोणतीही सौदा पावती कै. घनशाम पाटील यांचे सोबत झालेली नाही. सदरचा सौदा पावतीचा करारनामा वरील कै.घनशाम पाटील यांची मुळ सही व सौदे पावतीवरील सही यामध्ये देखील तफावत आहे.
तसेच विनोद पंजाबराव देशमुख यांनी माझे ताब्यात असलेली व सध्या गोदावरी लक्ष्मी को आप बँक लिमीटेड यांचे ताब्यात असलेली इमारत भाडे करारनामाचे इमारतीची सुध्दा कै. घनशाम लक्ष्मण पाटील व हिराबाई घनशाम पाटील यांचेकडून मेहरुण शिवारातील प्लॉट नं. 18 सर्व्हे नं. 494, सि.स.नं.200 यांचे क्षेत्रफळ 501.50 चौ.मी.ची सौदा पावती दिनांक 03/01/2017 रोजी जळगाव येथे केलेली आहे असे नमुद केले आहे. तसेच सदरचे सौदा पावतीमध्ये मिलींद सोनवणे हे लिहुन घेणार, लिहुन देणार, किंवा साक्षीदार नसतांना देखील त्यांचे नावाने स्टॅम्प विकत घेण्याचे काहीएक कारण नाही. मुळात सदरचा स्टॅम्प दि. 07 जानेवारी 2017 रोजी करारनामासाठी घेतलेला असतांना त्या स्टॅम्पवर दिनांक 3 जानेवारी 2017 रोजी सौदापावती कशी काय करण्यात आली, असा प्रश्न फिर्यादीत मनोज वाणी यांनी उपस्थित केला आहे. तसेच सदरची सौदापावती ही दि. 6 एप्रिल 2017 रोजी नोटरी करण्यात आलेली दिसते. तसेच सदरच्या सौदापावतीमध्ये नमुद केल्याप्रमाणे मयत कै.घनशाम लक्ष्मण पाटील यांनी त्यांचा दिनांक 14 जुलै 2003 रोजीचे मृत्युपत्रामध्ये कोणतीही अट टाकलेली नव्हती. त्यामुळे सर्व संशयित आरोपींनी संगनमत करून कटकारस्थान करत रितसर नोंदणीकृत खरेदीखतान्वये विकत घेतलेली मिळकत हडप करता यावी, यासाठी मागील तारखेचा स्टॅम्प विकत घेत त्यावर मयत कै. घनशाम लक्ष्मण पाटील यांच्या खोट्या सहया करून खोटी रक्कम दिल्याचे नमुद करत दोन्ही सौदा पावत्या खोटया व बनावट करत माझी फसवणुक केली असल्याचेही मनोज वाणी यांनी फिर्यादीत म्हटले आहे.
