धुळे (प्रतिनिधी) जिल्ह्यातील सिंदखेडा येथील कु. हर्षदा सुनिल देसले (रा. माळीच) या विद्यार्थिनीने बी.एस.सी. कृषी पदवी परिक्षेत प्रथम क्रमांक मिळविल्याबद्दल राष्ट्रवादी काँग्रेसचे राष्ट्रीय अध्यक्ष शरद पवार व केंद्रीय रस्ते मंत्री नितीन गडकरी तसेच राज्यपाल भगतसिंग क़ोश्यारी यांचे हस्ते महात्मा फुले कृषी विद्यापीठात भव्य सत्कार करण्यात आला.
कु. हर्षदा देसले या विद्यार्थिनीचे वैशिष्ट्य असे की, दरवर्षी तिला प्रथम क्रमांका बद्दल सुवर्णपदक मिळाले आहे. सलग चार वर्ष सुवर्णपदक मिळविणारी ही एकमेव कन्या आहे. वडिलांचे सायकल दुकान असून प्रतिकूल परिस्थितीतही हर्षदाने कधी उच्चांक सोडला नाही. धुळे जिल्ह्याचे नाव उज्वल करणाऱ्या किसान कन्येचे अभिनंदन आज तिच्या सिंदखेडा येथील निवासस्थानी जावून राष्ट्रवादी काँग्रेसचे प्रदेश उपाध्यक्ष धुळे व नंदुरबार जिल्ह्याचे प्रभारी माजी आमदार अनिल अण्णा गोटे, जेष्ठ नेते आबासाहेब हिम्मतराव पवार, श्रीराम मेडिकलचे मालक तधा सिंधी समाजाचे नेते विजय भगत यांनी केले.
