जळगाव (प्रतिनिधी) जामीन नामंजूर झाल्याच्या नैराश्यातून जिल्हा कारागृहातील बंदीवानाने लोखंडी खिळा गिळून आत्महत्या करण्याचा प्रयत्न केल्याची धक्क्कादायक घटना घडली आहे. चेतन पितांबर सोनार (वय 26) असे या बंदीवानाचे नाव असून त्याच्याविरुद्ध जिल्हापेठ पोलीस ठाण्यात गुन्हा दाखल करण्यात आला आहे.
नेमकी काय आहे घटना
तुरुंग अधिकारी संतोष पोपटराव पवार यांच्या फिर्यादीनुसार ते कर्तव्यावर असतांना चेतन सोनार या बंदीवानाने जामीन न्यायालयाने नामंजूर केल्याचे समजल्यानंतर जेलच्या बॅरेक भिंतीवरील खिळा गिळून आत्महत्या करण्याचा प्रयत्न केला. गुरुवार, 3 रोजी रोजी सकाळी 10.30 वाजता ही घटना घडली. बंदीवानास तातडीने उपचारार्थ रुग्णालयात हलवण्यात आले. तर या प्रकरणी चेतन विरोधात भादंवि 309 नुसार जिल्हापेठ पोलिस स्टेशनला गुन्हा दाखल करण्यात असून पुढील तपास सहा.निरीक्षक राजेंद्र पवार करीत आहेत. चेतनविरुद्ध अल्पवयीन मुलीवर बलात्कार केल्याचा आरोप आहे.
