धरणगाव (प्रतिनिधी) निसर्गाशी तादात्म्य पावणारे कवी म्हणून बालकवी त्र्यंबक बापूजी ठोंबरे हे मराठी साहित्यात अजरामर झाले. ते मुला फुलांचे कवी म्हणून विद्यार्थ्यांचे भावविश्वात सामावले आहेत. जीवनाच्या सर्व अनुभवांना त्यांनी कवितेत मांडले असे प्रतिपादन सुप्रसिद्ध साहित्यिक डॉ. संजीवकुमार सोनवणे यांनी केले. ते पी. आर. हायस्कूल – साहित्य कला मंच आयोजित बालकवी जयंती समारंभात बोलत होते. कार्यक्रमाचे अध्यक्षस्थानी मुख्याध्यापिका डॉ. ए. सी. शिरसाठ होत्या.
कार्यक्रमाला सुप्रसिद्ध साहित्यिक डॉ. संजीवकुमार सोनवणे, प्रभाकर नेरपगार, वं. दे. लोहार, वासुदेव पाठक, डि. एस. पाटील, व्हि. एच. चौधरी, एस. डी. मोरे प्रमुख अतिथी म्हणून उपस्थित होते. मान्यवरांच्या हस्ते बालकवींच्या प्रतिमेचे पूजन करण्यात आले. प्रा. बी.एन.चौधरी यांनी बालकवींच्या कवितेत दडलेल्या आंतरीक दुःखावर प्रकाश टाकला. त्यांनी शहरात आकार घेत असलेल्या बालकवी स्मारकाची माहिती दिली. वं. दे. लोहार यांनी विद्यार्थ्यांना वाचनाची सवय लावण्याचे आवाहन केले. वासुदेव पाठक यांनी पाऊस कवितेचे सादरीकरण केले. मुख्याध्यापिका डॉ. आशा शिरसाठ यांनी बालकवींच्या कवितेतली गेयता सांगत त्यांच्या गेय कवितांची ओळख करुन दिली. कार्याध्यक्ष डि. एस. पाटील यांनी साहित्य कला मंचच्या आगामी उपक्रमांची माहिती दिली. मंचच्यावतीने लवकरच एक दिवसीय कविता महोत्सवाचे आयोजन करण्यात येणार असल्याचे त्यांनी नमूद केले. त्याचे नियोजन या निमित्ताने करण्यात आले. कार्यक्रमाला विद्यार्थ्यांनी उत्स्फूर्त प्रतिसाद दिला.
कार्यक्रमाचे प्रास्ताविक जेष्ठ शिक्षक एस. डी. मोरे यांनी केले. सुत्रसंचलन बी. डी. शिरसाठ यांनी तर आभार प्रदर्शन प्रभारी पर्यवेक्षक व्हि. एच. चौधरी यांनी केले. कार्यक्रमाला पी. डी. महाजन, आर. जे. धनगर, आर. एल. पाटील, आर. एम. ठाकरे, जी. यू. सोनवणे, वाय. ए. पाटील. एन. वाय. शिंदे, सौ. एस. व्ही. तायडे, सौ. व्हि. एम. सोनवणे यांची उपस्थिती होती. कार्यक्रम यशस्वीतेसाठी प्रविण तिवारी, राजेंद्र पवार, नितीन बडगुजर यांनी परिश्रम घेतले
