मुंबई (वृत्तसंस्था) लोकांना नकली नोटा ओळखणे फार कठीण होते आणि त्यामुळे त्यांची हानी होते. लोकांना नोटा या एटीएम मधून सुद्धा काहीवेळा नकली प्राप्त होतात. मित्रांनो तुमची नकली नोटांपासून (Fake Note) होणारी फसवणूक टाळता यावी म्हणुन आपल्यासाठी ५०० ची (500 rupee Note) नकली नोट कशी ओळखावी याविषयीं महत्वाची माहिती घेऊन आले आहे. चला तर मग मित्रांनो जाणुन घेऊया तुमच्याजवळ असलेल्या ५०० च्या नोटा नकली आहेत की असली.
> तुम्ही नोटेला एखाद्या लाईटसमोर ठेवा, त्यावर तुम्हाला ५०० लिहिलेलं दिसेल.
> ५०० ची नोट ओळखण्यासाठी तुमच्या डोळ्याच्या समोर ४५ डिग्री अँगलवर नोट ठेवा, त्या जागी ५०० लिहिलेलं दिसेल.
> नोटेवर देवनागरीमध्ये ५०० संख्या लिहिलेली असते.
> नव्या नोटांमध्ये जुन्या नोटांच्या तुलनेत महात्मा गांधींच्या फोटोची दिशा आणि जागा थोडी बदलेली आहे. ते तुम्ही पाहू शकता.
> महात्मा गांधींचा फोटो एकदम मध्यात दाखवण्यात आला आहे.
> नोटेला थोडंसं दुमडल्यानंतर सिक्युरिटी थ्रेडचा रंग हिरवा ते निळा असा बदलताना दिसतो.
> नव्या नोटांमध्ये जुन्या नोटेच्या तुलनेत, गॅरंटी क्लॉज, गव्हर्नरची स्वाक्षरी, प्रॉमिस क्लॉज आणि आरबीआयचा लोगो उजव्या बाजूला दिसेल.
> नोटेवर महात्मा गांधींचा फोटो आणि इलेक्ट्रोटाईप वॉटरमार्कही दिसतो.
> नोटेत वरच्या डाव्या बाजूला आणि खाली उजव्या बाजूला लिहलेले नंबर डावीकडून उजवीकडे मोठे झालेले दिसतील.
> नोटेवरील ५०० चा रंग बदलतो. याचा रंग हिरवा ते निळा असा होतो.
> खऱ्या नोटांमध्ये उजव्या बाजूला अशोक स्तंभ दिसतो. नोटेच्या उजव्या बाजूला बॉक्समध्ये ५०० लिहलेलं असतं. तसंच डाव्या आणि उजव्या बाजूला ५ ब्लीड लाईन्स असतात. ज्या उठून दिसतात.
> नोटच्या मागच्या बाजूला नोटेच्या छपाईचं वर्ष लिहिलेलं असतं.
> याशिवाय, खऱ्या नोटांवर स्लोगनसह स्वच्छ भारतचा लोगो प्रिंट असतो.
> नोटेच्या मधल्या भागात भाषेचं पॅनल दिसतं.
> ५०० रुपयांच्या खऱ्या नोटेवर भारतीय ध्वजासह लाल किल्ल्याचा फोटो आहे.
> देवनागरीमध्ये ५०० लिहलेले असते.
दृष्टिहीनांनी अशी ओळखावी नोट
भारतीय चलनातील नोटांवर दृष्टिहीनांसाठी काही खास ओळखचिन्ह आहेत. ५०० रुपयांच्या खऱ्या नोटांमध्ये अंध व्यक्तींना लक्षात घेऊन महात्मा गांधीचा फोटो, अशोक स्तंभाचे प्रतीक, ब्लीड लाईन्स ही ओळख चिन्ह असतात. जेणेकरुन नोटेला हात लावताच स्पर्शाने दृष्टिहीन व्यक्तीलाही ती असली की नकली हे समजू शकतं. तर या संकेतांचा वापर करून तुम्ही तुमच्याकडील नोट ही खरी आहे की खोटी हे ओळखू शकता.
