जळगाव (प्रतिनिधी) तुम्हाला गीफ्ट मिळणार असल्याचे सांगून दोघांची ऑनलाईन फसवणूक झाल्याची धक्कादायक घटना उघडकीस आली आहे. याप्रकरणी दोन वेगवेगळे गुन्हे दाखल करण्यात आले आहेत.
याबाबत पहिल्या फिर्यादीत राहुल प्रमोद महाजन यांनी दिलेल्या फिर्यादीत म्हटले आहे की, ३० एप्रिल रोजी दुपारी पावणे दोन वाजेच्या सुमारास त्याचे वडील प्रमोद महाजन हे घरी असतांना त्यांना मोबाईलवर २९५३७२३८५ या क्रमांकावरून अज्ञात व्यक्तीचा फोन आला. फोन उचाल्यावर प्रमोद महाजन यांना समोरील अज्ञात व्यक्तीने तुम्हाला गीफ्ट मिळणार आहे. तुला लिंक पाठवतो. त्या लिंकवर क्लिक करून तुला गिफ्ट मिळेल, असे सांगितले. प्रमोद महाजन यांनी लिंकवर क्लिक करताच त्यांच्या पत्नीच्या बँक ऑफ बडोदा शाखेच्या खात्यातून २६ हजार रुपये ऑनलाईन पध्दतीने ट्रान्सफर झालीत. फसवणूक झाल्याचे लक्षात येताच याबाबत शनिपेठ पोलीस स्थानकात अज्ञात व्यक्तीविरुद्ध गुन्हा दाखल करण्यात आला असून पुढील तपास पो. उप निरीक्षक सुरेश सपकाळे हे करीत आहेत.
तर दुसऱ्या फिर्यादीत लक्ष्मी निलेश राखोंडे यांनी दिलेल्या फिर्यादीत म्हटले आहे की, ३० एप्रिल रोजी दोन वाजेच्या सुमारास त्या घरी असताना त्यांना अज्ञात ७०९३६९८७३९ या क्रमांकावरून फोन आला. सौ. राखोंडे यांनी फोन उचाल्यावर त्यांना समोरील अज्ञात व्यक्तीने सांगितले की, तुमचे लक्ष्मी किरणा दुकान असून तुम्हाला बिजनेस फोन-पेवर गीफ्ट मिळालेले आहे. मी तुम्हाला पाठवलेल्या लिंकवर क्लिक करा. सौ. राखोंडे यांनी लिंकवर क्लिक करताच त्यांची कोटक महेंन्दा कंपनीचे वीजा कार्ड व खात्यातून ३७ हजार ४९५ रुअप्ये ऑनलाईन पध्दतीने सदरची रक्कम ट्रान्सफर करून घेतली. याप्रकरणी देखील शनिपेठ पोलीस स्थानकात अज्ञात व्यक्तीविरुद्ध गुन्हा दाखल करण्यात आला असून पुढील तपास पो. उप निरीक्षक सुरेश सपकाळे हे करीत आहेत.
