मुंबई (वृत्तसंस्था) माजी मंत्री एकनाथराव खडसे यांना भोसरी येथील वादग्रस्त भूखंड खरेदी प्रकरणात मुंबई सत्र न्यायालयाने अंतरीम जामीन मंजूर केला आहे.
भोसरी येथील भूखंड प्रकरणात ईडीने एकनाथराव खडसे, त्यांच्या पत्नी मंदाताई आणि जावई गिरीश चौधरी यांच्यासह इतरांच्या विरूध्द गुन्हा दाखल केलेला आहे. या प्रकरणात गिरीश दयाराम चौधरी हे ५ जुलै पासून अटकेत आहेत. तर मंदाताई खडसे यांना जामीन मिळालेला आहे. तर दुसरीकडे खडसे यांना कोर्टाने काही दिवसांपूर्वी अटकेपासून संरक्षण दिले होते. यानंतर खडसे यांनी जामीनासाठी मुंबई सत्र न्यायालयात अर्ज दाखल केला होता. त्यावर आज सुनावणीअंती न्यायालयाने खडसे यांना अंतरिम जामीन मंजूर केलाय. पुण्यातील भोसरी येथे ३.१ एकर एमआयडीसी प्लॉट खरेदी करण्यासाठी आपल्या पदाचा गैरवापर केल्याचा आरोप २०१६ मध्ये एकनाथराव खडसे हे महसूल मंत्री असताना झाला होता.
