जळगाव (प्रतिनिधी) भाईचंद हिराचंद रायसोनी मल्टिस्टेट को- ऑपरेटिव्ह सोसायटीच्या आर्थिक घोटाळ्यात अटकेत असलेल्या संशयितांची पोलीस कोठडी वाढवून मिळण्यासाठी पोलिसांनी तब्बल २१ महत्वपूर्ण मुद्दे न्यायालयासमोर मांडले. त्यात प्रामुख्याने मोबाईल सीडीआरवरुन महावीर जैन, विवेक ठाकरे, सुजित बाणी, सतिश ठाकरे हे पाहिजे आरोपी अवसायक जितेंद्र कंडारेसह एकमेंकाच्या सतत संपर्कात होते. तसेच विवेक ठाकरे यांच्या घर झडतीमध्ये मिळालेल्या ठेवीदाराचे कोरेचेक व शंभर रुपये किंमतीचे कोरे स्टॅम्पपेपर व मूळ ठेव पावत्या याबाबत समाधानकारक खुलासा मिळाला नसल्याचा कारणाचा समावेश आहे.
पोलीस कोठडीची कारणे
१. घरझडती, ऑफिस झडती, बॅक लॉकर्स, व इतर आवश्यक त्या ठिकाणची झडती कार्यवाहीमध्ये मोठया प्रमाणावर मिळून आलेल्या दस्तऐवजाची पडताळणी काही प्रमाणात आली होती. तसेच इतरही कागदपत्रांची पडताळणी करणे बाकी आहे.
२. संशयित महावीर जैनच्या कार्यालय झडतीमध्ये अवसायक जितेंद्र कंडारे यांच्याशी संबंधीत मिळून आलेल्या कागदपत्राविषयी महावीर जैन यांनी संयुक्तिक खुलासा केला नाही.
३. सीए महावीर जैन यांनी ऑडिट सारखाचा महत्वाचा दस्त खोटा तयार करुन कंडारे यांना मदत केली आहे. त्यावरुन त्यांचे संगनमत सिध्द होत आहे. या ऑडिट रिपोर्ट बाबत त्यांच्याकडे अधिक विचारपूस करणे आवश्यक आहे.
४. कर्जदार व ठेवीदार यांची माहिती गैरकारभारासाठी पुरविणा-या कर्मचा-याबाबत अटक आरोपीकडे तपास करुन त्यांचा शोध घ्यायचा आहे.
५. तत्कालीन स्थानिक गुन्हे शाखेचे पोलीस निरीक्षक यांच्याशी संबंधित मूळ पत्र महावीर जैन यांच्या कार्यालयात कसे आले?, या बाबत त्यांनी संयुक्तिक माहिती दिली नाही. तसेच या प्रकारचे दस्त त्यांच्या कार्यालय झडतीमध्ये मिळून आलेले आहेत या सर्व दस्ताबाबत त्यांच्याकडे सखोल विचारपूस करुन पुढील तपास करावयाचा आहे.
६. ऑडिट रिपोर्टशी संबंधित नसणारा तक्रारदार अनवर अहमद अत्तार याचा तक्रारी अर्ज महावीर जैन यांच्या कार्यालयात कसे आले?, या बाबत त्यांनी संयुक्तिक माहिती दिली नाही. तसेच या प्रकारचे दस्त त्यांच्या कार्यालय झडतीमध्ये मिळून आलेले आहेत. या सर्व दस्ताबाबत त्यांच्याकडे सखोल विचारपूस करुन पुढील तपास करणे आहे. तसेच या तक्रारदाराप्रमाणे किती जणांचे कोरे स्टॅम्पपेपर जितेंद्र कंडारे यांनी महावीर जैन यांच्याकडे आणुन दिले आहेत व त्याचा कसा उपयोग केला आहे?, याबाबत सखोल चौकशी करुन कोरे स्टॅम्पपेपर जमा करणा-या व पुर्ण रक्कम न मिळालेल्या ठेवीदारांची माहिती घेवुन पुढील तपास करणे आहे.
७. लिलावाच्या मालमत्तेची मूल्यांकन वारंवार स्वतःच्या सोयीने जितेंद्र कंडारे यांना बदलून देणारे व्हॅल्युअर अविनाश सोनी यांच्या बाबत अधिक चौकशी करणे व बदलेल्या दस्ताची आरोपी सुजित वाणीकडे समक्ष चौकशी करुन पुढील तपास करणे आहे.
८. अवसायक जितेंद्र कंडारे, सुनिल झंवर व अटकेतील संशयित महावीर जैन, यांनी किती कर्जदाराच्या फाईल एफडी वर्ग करुन निरंक केले आहेत. अशा कर्जदार व ठेवीदारांबाबत महावरी जैन व सुजित वाणी यांचेकडे चौकशी करुन सदर कर्जदार व ठेवीदारांचे जबाब नोंदवून पुढील तपास करणे आहे.
९. पारस ओसवाल यांच्या पतसंस्थे तील संशयास्पद भूमिकेबाबत सुजित वाणी यांचेकडे चौकशी करुन पुढील तपास करणे आहे.
१०. विवेक ठाकरे यांनी ठेवीदारांना खरोखर किती पैसे मिळवून दिले याबाबत त्यांचेकडे सविस्तर चौकशी करुन, या ठेविदारांचे जबाब नोंदवून पुढील तपास करणे आहे.
११. तसेच ठाकरे यांचे घर झडतीमध्ये मिळालेल्या ठेवीदाराचे कोरे चेक व शंभर रुपये किंमतीचे कोरे स्टॅम्प पेपर व मूळ ठेव पावत्या या बाबत त्यांचा खुलासा समाधानकारक नसून त्याबाबत त्यांच्याकडून पुढील तपास करणे आहे.
१२. ठाकरे यांनी ठेवीदाराकडून पैसे परत मिळवून देण्याच्या नावाखाली फसवलेल्या ठेवीदारांची त्यांचेकडून माहिती घेवून ठेवीदारांकडे पैसे मिळाले अगर कसे या बाबत तपास करणे आहे.
१३. ठेवीदाराकडून घेतलेले पैसे ठाकरे यांच्या बँक खात्यावर जमा झाले आहेत त्या बँक खात्याची माहिती प्राप्त करुन घेवून त्याबाबत त्यांच्याकडे समक्ष तपास करणे आहे.
१४. धरम सांखला यांनी स्वतःचे कर्जामध्ये त्यांच्याशी संबंधीत नसलेल्या ठेवीदारांच्या ठेवी विकत घेवून ठेवीदारांना पुर्ण रक्कम अदा केलेली नाही व यासंदर्भातील त्याची सर्व कागदपत्रे अद्यापपर्यंत मिळुन आलेली नाही. त्याबाबत तपास करणे आहे तसेच त्या ठेवी स्वतःच्या कर्ज खात्यामध्ये वर्ग केले आहे. त्याबाबत अशा ठेवीदारांची त्यांच्याकडून माहिती घेवून पुढील तपास करणे आहे. तसचे या कामासाठी त्यांनी मदत करणारे एजंटबाबत यांचेकडे सखोल विचारपूस करुन एजंटची नावे निष्पन्न करुन त्यांचा शोध घेवून पुढील तपास करणे आहे.
१५. धरम सांखला यांनी आयकर विवरण भरताना दिलेल्या माहिती बाबत त्याच्याकडे सखोल विचारपूस करुन पुढील तपास करणे आहे.
१६. धरम सांखला हे पतसंस्थेचे अंतर्गत लेखापरिक्षण व टैंक्स ऑडिटर असल्याचे त्यांनी त्यांच्या जबाबात नमूद केले आहे. ते सी ए असल्यामुळे त्यांना पतसंस्थेच्या प्रत्येक खात्याची माहिती आहे. परंतु त्यांनी बेनामी ठेवीदार व कर्जदार यांची याबाबत तपासामध्ये समाधानकारक माहिती दिली नाही त्याबाबत त्याच्याकडे चौकशी करणे आहे.
१७. अटक आरोपी कमलाकर कोळी हा सतत मुख्य आरोपी जितेंद्र कंडारे यांचे सोबत राहत होता. त्यामुळे त्यास कंडारे यांच्या प्रत्येक हालचालीयावत माहिती आहे. त्यामुळे याचेकडून कंडारे यांच्या इतर आरोपींशी झालेल्या भेटी व त्यांनी आखलेले गुप्त कट याबाबत त्यास पूर्णपणे माहिती असूनही त्याने पाहिजे आरोपीचा शोध घेण्याच्या दृष्टीने उपयुक्त माहिती दिली नाही. ही माहिती त्याचेकडून जाणून घेवून त्यादृष्टीने पुढील तपास करणे आहे.
१८. कमलाकर कोळी हा इतर पाहिजे आरोपी पैकी प्रकाश वाणी, कुणाल शहा, सुनिल झवर यांना ओळखत असल्याचे त्यांने तपासामध्ये सांगितले आहे. परंतु त्याच्या ठावठिकाण्याबाबत तो संयुक्तिक माहिती देत नाही. त्याबाबत त्याचेकडे सखोल चौकशी करुन पुढील तपास करणे आहे.
१९. अटक आरोपी सुजित वाणी यांनी ठेवी गोळा करण्यासंदर्भात एजंट काम करीत असल्याचे माहिती सांगितली व एका एजंटचे नाव सांगितले इतर एजंटची नावाधावत सहकार्य करत नाही. याबाबत अधिक तपास करावयाचा आहे.
२०. प्राप्त सीडीआरवरुन महावीर जैन, विवेक ठाकरे, सुजित बाणी, सतिश ठाकरे हे पाहिजे आरोपी कंडारेच्या व एकमेंकाच्या सतत संपर्कात होते. आरोपींकडे अजुनही मोबाईल नंबर असण्याची दाट शक्यता आहे व पाहिजे आरोपींकडे इतर कोणते मोबाईल नंबर होते त्याबाबत अधिक तपास करणे आहे.
२१. आरोपी सुजित वाणी याच्याकडुन संस्थेचा ईमेल आयडी प्राप्त झाला असुन पासवर्ड बाबत तो उडवाउडवीची उत्तरे देत आहे.
