जळगाव (प्रतिनिधी) बीएचआरच्या घोटाळ्यात न्यायालयीन कोठडीत असलेला सीए महावीर जैन, विवेक ठाकरे व सुजित वाणी व कमलाकर कोळी यांच्या जामीन अर्जावर आज सूनवाई होऊ शकली नाही. याप्रकरणी पुढील सुनवाई २१ डिसेंबर रोजी होणार आहे.
पुणे आर्थिक गुन्हे शाखेच्या पथकाने २७ डिसेंबर रोजी जळगावात छापेमारी करुन दोन ट्रक कागदपत्रे, संगणक जप्त करुन नेले आहेत. या गुन्ह्यात न्यायालयीन कोठडीत असलेला सीए महावीर जैन, विवेक ठाकरे व सुजित वाणी व कमलाकर कोळी यांनी जामीनासाठी अर्ज दाखल केलेले अाहेत. त्यावर बुधवारी सुनावणी होणार होती. परंतू, काही कारणास्तव ही सुनावणी होऊ शकली नाही. आता २१ डिसेंबर रोजी सुनावणी होणार आहे. दरम्यान, या प्रकरणातील मुख्य संशयित जितेंद्र कंडारे आणि सुनील झंवरसह इतर संशयित अद्यापही फरार असून त्यांचा पोलीस कसून शोध घेत आहेत.
