भुसावळ : गावठी कट्ट्याच्या धाकावर दहशत माजविणाऱ्या एकाला अटक !
भुसावळ (प्रतिनिधी) बनावटीचा गावठी कट्टा सोबत घेऊन दहशत माजविणाऱ्या जगन धर्मा कोळी (वय-४४, रा. आयोध्या नगर भुसावळ या संशयित आरोपीला भुसावळ शहर पोलिसांनी कारवाई करत अटक केली आहे. ही कारवाई भुसावळ शहरातील अयोध्या नगरात केली असून त्याच्याजवळ अवैधरित्या गावठी बनावटीचा कट्टा जप्त करण्यात आला आहे याबाबत भुसावळ शहर पोलीस सार गुन्हा दाखल करण्यात आला आहे.
भुसावळ शहरातील अयोध्या नगरातील परिसरात संशयित आरोपी जगन कोळी हातात गावठी बनावटीचा कट्टा घेऊन दहशत माजवीत असल्याची गोपनीय माहिती भुसावळ शहर पोलीस ठाण्याचे पोलीस उपनिरीक्षक इकबाल सय्यद यांनी मिळाली. त्यानुसार त्यांनी शनिवारी १७ ऑगस्ट दुपारी ४ वाजता कारवाई करत संशयित आरोपी जगन धर्मा कोळी याला अटक केली. त्याच्याकडून १० हजार रुपये किमतीचा गावठी बनावटीचा कट्टा जप्त केला आहे. याप्रकरणी पोलीस कॉन्स्टेबल राहुल भोई यांनी दिलेल्या फिर्यादीवरून संशयित आरोपी जगन धर्मा कोळी यांच्या विरोधात भुसावळ शहर पोलिस हात गुन्हा दाखल करण्यात आला आहे.
अशी माहिती जिल्हा पोलीस अधीक्षक डॉक्टर महेश्वर रेड्डी यांनी सोमवारी १९ ऑगस्ट रोजी सायंकाळी ५ वाजता पत्रकार परिषदेत दिली आहे ही कारवाई भुसावळ शहर पोलीस ठाण्याचे पोलीस निरीक्षक उद्धव डमाळे यांच्या मार्गदर्शनाखाली पोलीस उपनिरीक्षक पोलीस कॉन्स्टेबल नोवेल जॉर्ज, पोलीस नाईक विकास बाविस्कर, राहुल भोई भूषण चौधरी यांनी केली आहे.
