भुसावळ (प्रतिनिधी) भुसावळचे आमदार संजय सावकारे यांचे बंधू तथा सामाजिक कार्यकर्ते प्रमोद सावकारे यांना जीवे मारण्याची धमकी मिळाल्याची घटना उघडकीस आल्यानंतर प्रचंड खळबळ उडाली आहे.
प्रमोद सावकारे हे शनिवारी सकाळी वाल्मीक नगरातील बारसे कुटुंबीयांकडे सांत्वन करण्यासाठी गेले होते. तेथून घरी आल्यानंतर दुपारी 1.38 वाजता त्यांना एका अनोळखी क्रमांकावरून फोन आला. समोरून बोलणाऱ्या व्यक्तीने ‘तुम्ही या प्रकरणात सहभागी होऊ नका. अन्यथा जीवे ठार मारू’अशी धमकी दिल्याने राजकीय वर्तुळात खळबळ उडाली आहे. यानंतर सातत्याने 8 ते 9 वेळा पुन्हा कॉल आले. त्यामुळे प्रमोद सावकारे यांनी सायंकाळी बाजारपेठ पोलिसात अनोळखी संशयीताविरुद्ध गुन्हा दाखल केला. संशयीातचा पोलिसांनी कसून शोध सुरू केला आहे.
