भुसावळ (प्रतिनिधी) स्टेट बँकेच्या आनंद नगर शाखेत बनावट खरेदीखत बनवून गृह कर्जात बँकेची फसवणूक केल्याचे प्रकरण घडले होते. यातील प्रमुख सूत्रधार रवींद्र (उर्फ नंदलाल) बाबूलाल पाटील (४९, रा. प्लॉट नंबर ३०३ वैशाली नगर नागपूर) यास नागपूर येथून अटक करण्यात आली आहे. याप्रकरणी १९ जणांविरुद्ध गुन्हा दाखल आहे. आतापर्यंत यातील सहा जणांना अटक करण्यात आली आहे. तर अनेकांना अटक होण्याची शक्यता आहे.
भुसावळ येथील स्टेट बँक आंनद नगर शाखेत काही इसमांनी बनावट सौदे पावती खरेदीखत बनवून त्या ठिकाणी कुठेही इमला नसून गृह कर्ज मंजूर करून बँकेची फसवणूक केली होती. याप्रकरणी भुसावळ बाजारपेठ पोलीस स्टेशनला गुन्हा दाखल करण्यात आला होता. त्यातील मुख्य आरोपीला बाजारपेठ पोलिसांनी मोबाईल लोकेशनच्या आधारे शोध घेऊन नागपूर वरून ताब्यात घेऊन अटक केली होती. आज रोजी न्यायालयात हजर केले असता पाच दिवसांचा पोलीस कोठडी सुनावली आहे.
स्टेट बँक बनावट सौदे पावती प्रकरणातील मुख्य आरोपी व भुसावळ स्टेट बँक मॅनेजर आनंद नगर शाखेचे रविंद्र (उर्फ नंदलाल) बाबूलाल पाटील (वय ४९ राहणार प्लॉट नंबर ३०३ वौशाली नगर नागपूर) येथून ताब्यात घेऊन बाजारपेठ पोलीस स्टेशनला जमा करून दि. २५ नोव्हेंबर २०२१ रोजी अटक करण्यात आली होती. सदर गुन्ह्याचा पुढील तपास उपविभागीय अधिकारी सोमनाथ वाघचौरे व बाजारपेठ ठाण्याचे निरीक्षक दिलीप भागवत यांच्या मार्गदर्शनाखाली सपोनि गणेश धुमाळ व पोकॉ सुभाष साबळे करीत आहे. गुन्ह्याची कसून चौकशी सुरू असून यामध्ये काही राजकीय गावगुंडयांचा समावेश असून आरोपी वाढण्याची शक्यता आहे.
आतापर्यंत या संशयित आरोपींना केलीय अटक !
आसिफ हुसैन गवळी (रा. व्दारका नगर भुसावळ), निलेश जय सपकाळे (रा.बुद्ध वाडा कन्हाळा ता. भुसावळ), पंकज भिकनराव देशमुख (रा.पंचशील नगर भुसावळ), राजेश निवृत्ती मेहरे (रा. गोरक्षण संस्था जामनेर रोड), गजानन रमेश शिंपी (रा. नेब कॉलनी भुसावळ), शकील इमाम गवळी रा. कन्हाळे बु भुसावळ, बॅक मॅनेजर नंदलाल बाबुलाल पाटील (वय ४९, रा. राका पार्क, एम.जे. कॉलेज मागे जळगाव).
या संशयित आरोपींना शोध सुरु
माजिद खान इद्रीस खान (रा. द्वारकानगर भुसावळ), शोभा पोपट पगारे (रा.यावल रोड,राहुल नगर भुसावळ), संदीप पुजाराम मैराळे (रा.खड़के ता. भुसावळ), संतोष बबन सुर्यवंशी (रा. रामदास वाडी खडका रोड, भुसावळ), अफसाना बानो कलीम खान (रा.द्वारकानगर भुसावळ), शाह शकीर चाँद (रा. मुस्लीम कॉलनी खडका रोड भुसावळ), शशीकातं रमाकांत अहीरे (रा.फुलगांव ता. भुसावळ), शाह अरबाज शाह अब्बास (रा. पंचशील नगर भुसावळ), अफसाना बानो कलीम खान (रा. व्दारका नगर भुसावळ), समीर बेले (रा. दुसरा मजला, रॉयल हब बिल्डींग जिल्हा न्यायालय मालेगाव जि.नाशिक), अशोक दहाड रा. १८३ नवी पेठ.एम.जी रोड टॉवर जवळ जळगाव), किरण चौधरी (रा. प्रोफेसर कॉलनी) रविंद्रं सपकाळे, नगरसेवक भुसावळ नगरपरिषद (रा. नेम कॉलनी, भुसावळ).