जळगाव (प्रतिनिधी) जळगाव शहर, भुसावळ, चाळीसगाव तसेच औरंगाबाद, नाशिक, पुणे या जिल्हात विविध अपार्टमेंटमध्ये घुसून भरदिवसा घरफोडी चोरी करणाऱ्या अट्टल गुन्हेगारांच्या टोळीचा पर्दाफाश करण्यात जळगाव स्थानिक गुन्हे शाखेला यश आले आहे. आरोपींकडून रोकडसह आदी मुद्देमाल हस्तगत करण्यात आला आहे.
या संदर्भात अधिक असे की, पोलीस अधीक्षक एम. राज कुमार यांना गुप्त बातमी मिळाली की जितेंद्र गोकु पाटील, अमोल गोकुळ पाटील, पवन ऊर्फ पप्पु सुभाष पाटील, सागर लक्ष्मण देवरे (सर्व. रा. मोहाडी ता. जामनेर), आकाश सुभाष निकम, महेंद्र ज्ञानेश्वर बोरसे (रा.नांद्रा पाचोरा), अमोल सुरेश चव्हाण (रा. सामनेर ता. पाचोरा) यांच्याकडे चोरीच्या गुन्हयांतील सोन्या-चांदीचे दागिने असून त्यांच्या कडे असलेल्या कारला ते नेहमी वेगवेगळे नंबर प्लेट लावून फिरतात. माहिती मिळाल्यानंतर पोलीस अधीक्षक एम. राजकुमार यांनी स्थानिक गुन्हे शाखेचे वरिष्ठ पोलीस निरीक्षक किसन नजनपाटील यांना पथक निर्माण करुन सदर आरोपींच्या शोधकामी रवाना केले होते.
एलसीबीच्या पथकाने संशयीत आरोपीतांपैकी सागर लक्ष्मण देवरे, आकाश सुभाष निकम, अमोल सुरेश चव्हाण आणि महेंद्र ज्ञानेश्वर बोरसे यांना ताब्यात घेऊन चौकशी केली असता त्यांनी सांगितले की, जितेंद्र गोकुळ पाटील, अमोल गोकुळ पाटील, पवन ऊर्फ पप्पु सुभा पाटील, सागर लक्ष्मण देवरे, आकाश सुभाष निकम, महेंद्र ज्ञानेश्व बोरसे यांच्यासोबत मिळून मागील २-३ वर्षांपासून कधी तिन जण कधी चार जण, तर कधी पाच जण असे पांढऱ्या रंगाच्या स्विफ्ट डिझायर, क्रेटा, तसेच आर्टिका कारचा वापर करुन त्यांना वेगवेगळ्या पासिंगच्या नंबरच्या नंबरप्लेट लावून जळगाव जिल्हामध्ये विशेषत जळगाव शहर, भुसावळ व चाळीसगाव येथे तसेच औरंगाबाद, नाशिक, पुणे जिल्ह्यामध्ये भरदिवसा विशेषत अपार्टमेंटमध्ये प्रवेश करुन बंद असलेल्या घराचे कुलूप त्यांच्याकडील हत्याराने तोडून अनेक घरफोडी केलेल्या असल्याची अशी कबुली दिली.
३ लाखांच्या रोकडसह दागिने आणि चोरीसाठी लागणारे हत्यार जप्त !
आरोपींचे ताब्यातुन ३ लाखाची रोख रक्कम, चांदि दागिने, तसेच घरफोडी करण्यासाठी लागणारे विविध प्रकारचे हत्यारे, एक गावठी कट्टा व चारचाकी वाहनांच्या वेगवेगळ्या पासिंगच्या २४ नंबरप्लेट असे साहित्य मिळून आले आहेत. तसेच घरफोडीत मिळालेले सोन्याचे दागिने विकण्यासाठी त्यांना अमोल सुरेश चव्हाण याने मदत केलेली असून सदरचे दागिन्यांपैकी काही दागिने अमोल चव्हाण याने वेळोवेळी त्याच्या ओळखीचे योगेश हनुमंत मोरे, (लक्ष्मी ज्वेलर्स) जोशीपेठ, जळगाव तसेच संकेत शशिकांत देशमुख, (स्वस्तीक ज्वेलर्स) जोशीपेठ, जळगाव यांना विकलेले असून दोघं सराफांनी सदरचे दागिने चोरीचे असल्याचे माहित असूनही त्यांनी ते कमी किंमतीत विकत घेतले होते.
तीन संशयित फरार !
संशयित आरोपीतांपैकी जितेंद्र गोकुळ पाटील, अमोल गोकुळ पाटील आणि पवन ऊर्फ पप्पु सुभाष पाटील हे वाहनांसह फरार झालेले असून त्यांच्याकडून अजून बरेच गुन्हे उघड होण्याची शक्यता आहे. या आरोपींच्या शोधार्थ एलसीबीचे पथक रवाना झाले आहे. तर हे आरोपी पकडले गेल्यास चोरीचे दागिने विकत घेणाऱ्या अजुनही काही सोनारांचे नावे समोर येऊ शकतात. सदर आरोपीतांकडून जळगाव जिल्हयातील तब्बल ३१ घरफोडीचे गुन्हे उघड झालेले आहेत. तसेच नाशिक, पुणे, औरंगाबाद या जिल्ह्यात सुध्दा वेगवेगळ्या ठिकाणी याच प्रकारच्या घर फोडी चोरी केल्याची आरोपीतांनी कबुली दिलेली आहे.
यांनी केली कारवाई !
सदरची कारवाई पोलीस अधीक्षक एम. राज कुमार, अपर पोलीस अधीक्षक चंद्रकांत गवळी, अपर पोलीस अधीक्षक रमेश चोपडे यांच्या मार्गदर्शनाखाली स्थानिक गुन्हे शाखेचे वरिष्ठ पोलीस निरीक्षक किसन नजनपाटील यांच्या पथकातील पोउनि गणेश वाघमारे, पोउनि अमोल देवढे, सफी युनुस शेख, रवि नरवाडे, अनिल जाधव, पोह राजेश मेंढे, संजय हिवरकर, सुनिल दामोदरे, संदिप पाटील, अशरफ शेख, गोरख बागुल, कमलाकर बागुल, जयंत चौधरी, अनिल देशमुख, अक्रम शेख, संदिप सावळे, लक्ष्मण पाटील, दिपक पाटील, पोना संतोष मायकल, प्रितम पाटील, प्रविण मांडोळे, रणजीत जाधव, नंदलाल पाटील, भगवान पाटील, राहुल बैसाणे, परेश महाजन, हेमंत पाटील, ईश्वर पाटील, महेश पाटील, लोकेश माळी, पोह भरत पाटील, प्रमोद ठाकुर, मोतीलाल चौधरी (सर्व नेमणुक स्थानिक गुन्हे शाखा, जळगाव) तसेच पो.ना. करुणासागर अशोक जाधव (नेम. पोलीस मुख्यालय, जळगाव) अशांनी सदची कारवाई केली आहे.
