धरणगाव (प्रतिनिधी) येथील पंचायत समितीच्या विस्तार अधिकाऱ्यासह एका ग्रामसेवकाला आज अँटी करप्शन ब्युरोच्या पथकाने लाच स्विकारतांना रंगेहात पकडल्यामुळे प्रचंड खळबळ उडाली आहे.
या संदर्भात अधिक असे की, सुरेश शालिग्राम कठाळे (वय-५१, विस्तार अधिकारी, पंचायत समिती, धरणगाव, रा.गंगूबाई नगर, पारोळा) तसेच कृष्णकांत राजाराम सपकाळे (वय-४५,ग्रामसेवक, ग्रामपंचायत, कंडारी बुद्रूक ता.धरणगाव,रा. बोरोले नगर,चोपडा) या दोघांनी तक्रादाराकडून २ हजाराची लाच स्वीकारली. तक्रारदार हे ग्रामपंचायत कंडारी बुद्रुक येथे शिपाई म्हणुन नोकरीस असुन त्यांचे सन-२०१५-१६ या वित्तीय वर्षात त्यांना जादा वेतन दिले गेल्याने सदर जादा देण्यात आलेली रक्कमेची परतफेड करणेबाबत तक्रारदार यांना नोटीस आल्याने सदर नोटीसचा अनुकूल अहवाल जिल्हा परीषद,जळगाव येथे पाठविण्याच्या मोबदल्यात सुरेश कठाळे आणि कृष्णकांत सपकाळे या दोघांनी प्रत्येकी १ हजार रूपये असे एकुण २,००० रुपये लाचेची मागणी पंचासमक्ष केली. तसेच सदर लाचेची रक्कम ग्रामसेवक कृष्णकांत सपकाळेने हॉटेल मानसी,चोपडा येथे पंचासमक्ष स्वीकारताना रंगेहात अटक करण्यात आली.
यांनी केली कारवाई
शशिकांत श्रीराम पाटील, पोलीस उप अधीक्षक, अँन्टी करप्शन ब्युरो,जळगाव यांच्या मार्गदर्शनाखाली शशिकांत श्रीराम पाटील, पोलीस उप अधीक्षक, PI. संजोग बच्छाव, सफौ.दिनेशसिंग पाटील, सफौ.सुरेश पाटील, पोहेकॉ.अशोक अहीरे, पोहेकॉ.सुनिल पाटील, पोहेकॉ.रविंद्र घुगे, मपोहेकॉ.शैला धनगर,पोना.मनोज जोशी, पोना.सुनिल शिरसाठ, पोना.जनार्धन चौधरी, पोकॉ.प्रविण पाटील, पोकाॅ.महेश सोमवंशी, पोकॉ.नासिर देशमुख, पोकॉ.ईश्वर धनगर, पोकॉ.प्रदिप पोळ
