मुंबई (प्रतिनिधी) भाजपला सोडचिठ्ठी देऊन राष्ट्रवादी काँग्रेसमध्ये दाखल झालेले ज्येष्ठ नेते एकनाथराव खडसे यांना सक्तवसुली संचलनालयाकडून (ED) चौकशीसाठी नोटीस पाठवण्यात आल्याचे वृत्त आहे. त्यानुसार खडसे यांना ‘ईडी’ने ३० तारखेला चौकशीसाठी पाचारण केल्याचे कळते.
याबाबत वृत्त असे की, एकनाथराव खडसे यांनी काही दिवसांपूर्वीच भारतीय जनता पक्षाचा त्याग करून राष्ट्रवादीत प्रवेश केला होता. प्रवेश करताना त्यांनी ईडी आणि सीडी असे वाक्य जोडून खळबळ उडवून दिली होती. यानंतर आता एकनाथराव खडसे यांना ईडीची नोटीस मिळाली असून त्यांना ३० डिसेंबर रोजी चौकशीसाठी हजर राहण्याचे निर्देश देण्यात आले आहे.
