प्रयागराज (वृत्तसंस्था) उमेश पाल हत्येप्रकरणी वॉन्टेड गँगस्टर अतिक अहमदचा मुलगा असद आणि शूटर गुलाम मोहम्मद यांचे यूपी पोलिसांनी एन्काउंटर केले आहे. स्पेशल टास्क फोर्सकडून झांसी इथं ही कारवाई करण्यात आली आहे.
यूपीमधील गँगस्टर अतीकच्या मुलाचा खात्मा करण्यात आला आहे. झाशीमध्ये डीएसपी नवेंदु आणि डीएसपी विमल यांच्या नेतृत्वाखालील यूपीएसटीएफ टीम व अतीक अहमद यांच्यात चकमक उडाली. या चकमकीत खात्मा करण्यात आला आहे. त्यांच्याजवळ विदेशी शस्त्रे सापडली आहेत. 24 फेब्रुवारी रोजी उमेश पाल यांची हत्या केल्यानंतरच तो फरार झाला होता. एसटीएफ सतत त्यांचा शोध घेत होते आणि झाशी येथे त्यांचे लोकेशन मिळाल्यानंतर पोलिसांनी त्यांचे एन्काउंटर केले. दोघांवर 5 लाखांचे बक्षीस होते. दरम्यान, प्रयागराज कोर्टात अतिक अहमदच्या रिमांडवर सुनावणी सुरू असताना या एन्काउंटरची बातमी समोर आली.
