जळगाव (प्रतिनिधी) बीएचआर पतसंस्था अपहार (Bhr Scam) प्रकरणी तत्कालीन अवसायक (Liqidator bhr) संशयित जितेंद्र गुलाबराव कंडारे (Jitendra Kandare) यांना शिक्रापूर (Shikrapur Fir) येथील गुन्ह्यात सुप्रीम कोर्टात (Suprim Court) जामीन (Bail) मिळाला असल्याची माहिती सूत्रांनी दिली आहे.
बीएचआर घोटाळ्यातील मुख्य संशयित तथा अवसायक जितेंद्र कंडारे यांना पुणे आर्थिक गुन्हे शाखेच्या पथकाने इंदोरमधून अटक केली होती. यापूर्वी कंडारेला डेक्कनच्या गुन्ह्यात जामीन मिळाल्यानंतर कंडारेंची येरवडा कारागृहातून मुक्तता होण्याआधीच शिक्रापूरच्या गुन्ह्यात तपासधिकारी पोलीस निरीक्षक सुरज बनगर (Pi Suraj bangar), पोहेका रऊफ शेख यांच्यासह पथकाने त्यांना पुन्हा ताब्यात घेतले होते. यानंतर गुरुवारी सर्वोच्च न्यायालयाने शिक्रापूर येथील गुन्ह्यात कंडारे यांना जामीन मंजूर केला आहे. दरम्यान, काही महिन्यांपूर्वीच अनेक संशयितांना न्यायालयाने जामीन मंजूर केले होते. शिक्रपुरची फिर्याद संतोष काशिनाथ कांबळे (वय ५७, रा. लोहगाव, पुणे) यांनी दिली होती.
