मोठी बातमी : HotStar वरील आयपीएल आणि चित्रपट, वेबसीरीजचे अनाधिकृत प्रसारण ; जळगाव सायबर पोलिसात एकाविरुद्ध गुन्हा !

जळगाव (प्रतिनिधी) ChaturTV आणि HTCStorts या ऍप्लिकेशनवर २०२२ ची इंडियन प्रीमियर लीग हि बेकायदेशीरपणे कंपनीचे परवानगी शिवाय HotStar कंपनीचे सर्व्हरमधील लाईव्हडाटा अनधिकृतपणे चोरुन त्याचे लाईव्ह स्ट्रीमिंग, ब्रॉडकास्ट व टेलिकास्ट करून HotStar कंपनीचे आर्थिक नुकसान केल्याप्रकरणी सायबर पोलीस ठाण्यात चेतन गिरनारे (पत्ता-९९ मोहन नगर, महाबळ रोड, जळगाव) याच्याविरुद्ध गुन्हा दाखल करण्यात आला आहे.

यासंदर्भात सरफराज अली सय्यद (वय ४०, रा. २७ रतन हाऊस, गोला लेन, फोर्ट मुंबई) यांनी दिलेल्या फिर्यादीनुसार, दि. २६ मार्च २०२२ ते आजपावेतो चेतन गिरनारे (पत्ता-९९ मोहन नगर, महाबळ रोड, जळगाव) याने स्वतः च्या आर्थिक फायदयासाठी ChaturTV आणि HTCStorts या ऍप्लिकेशनवर २०२२ ची इंडियन प्रीमियर लीग (IPL) हि बेकायदेशीरपणे कंपनीचे परवानगी शिवाय कुठलेही सबस्क्रिबशन, कुठलेही पेमेंट न करता व HotStar कंपनीचे सर्व्हरमधील लाईव्हडाटा अनधिकृतपणे चोरुन त्याचे लाईव्ह स्ट्रीमिंग, ब्रॉडकास्ट व टेलिकास्ट करत आहे. तसेच HotStar वर उपलब्ध Movies, Web Series याचे हि बेकायदेशीरपणे HotStar कंपनीचे परवानगी शिवाय प्रसारण करीत आहे. त्यामुळे HotStar कंपनीचे आर्थिक नुकसान होत आहे. याप्रकरणी जळगाव सायबर पोलीस ठाण्यात चेतन गिरणारे याच्याविरुद्ध गुन्हा दाखल करण्यात आला आहे. तसेच पुढील तपास पोलीस निरीक्षक लिलाधर कानडे हे करीत आहेत.