भुसावळ प्रतिनिधी । भुसावळ शहरातील हॉटेल पालखी समोरील महामार्गावर स्पीड ब्रेकरवर अचानक ब्रेक मारला. त्यामुळे भरधाव दुचाकी डिव्हायडरवर आढळल्याने 35 वर्षे तरुणाचा मृत्यू झाल्याची घटना गुरूवारी १५ ऑगस्ट रोजी रात्री ८ वाजता घडली होती. या घटनेप्रमाणे शुक्रवारी १६ ऑगस्ट रोजी मध्यरात्री दीड वाजता भुसावळ बाजारपेठ पोलीस ठाण्यात अकस्मात मृत्यूची नोंद करण्यात आली. तुषार पांडुरंग घ्यार वय-३५, रा. साकरी ता. भुसावळ असे मयत झालेल्या दुचाकीस्वाराचे नाव आहे.
भुसावळ तालुक्यातील साकरी गावात राहणारा तुषार पांडुरंग घ्यार (वय ३५) हा तरुण आपल्या परिवारासह वास्तव्याला होता. गुरुवारी १५ ऑगस्ट रोजी रात्री ८ वाजेच्या सुमारास तुषार हा दुचाकीने भुसावळ शहरातील हॉटेल पालखी समोरून समोरील राष्ट्रीय महामार्गावरून दुचाकीने जात होता. त्यावेळी रस्त्यावर अचानक स्पीड ब्रेकर आल्याने त्याने दुचाकीचा ब्रेक मारला. त्यात तुषारचा दुचाकीवरील ताबा सुटल्याने थेट दुचाकी डिव्हायडरला धडकली. या धडकेत तुषारच्या डोक्याला जबर दुखापत झाल्यामुळे त्याचा मृत्यू झाला. या घटनेबाबत शुक्रवारी १६ ऑगस्ट रोजी मध्यरात्री दीड वाजता भुसावळ बाजारपेठ पोलीस ठाण्यात अकस्मात मृत्यूची नोंद करण्यात आली आहे. या घटनेचा पुढील तपास पोलीस नाईक सोपान पाटील हे करीत आहे.
