मुंबई (वृत्तसंस्था) बॉलिवूड अभिनेत्री आणि भारतीय जनता पार्टीच्या चंदीगडच्या खासदार किरण खेर यांच्याबाबत अतिशय धक्कादायक माहिती समोर आली आहे. किरण खेर यांना मल्टीपल माइलोमा एक प्रकारचा ब्लड कॅन्सर झाला आहे. किरण खेर यावर मुंबईत उपचार घेत आहेत.
बॉलिवूड अभिनेत्री आणि भारतीय जनता पक्षाच्या चंदीगडच्या खासदार किरण खेर यांना ब्लड कॅन्सर झाला आहे. सध्या त्या मुंबईत असून त्यांच्यावर उपचार सुरू आहेत. किरण खेर या चंदीगड येथील भाजपच्या खासदार आहेत. ३१ मार्चला खासदार किरण खेर यांच्या अनुपस्थितीबाबत काँग्रेसनं उपस्थित केलेल्या प्रश्नावर भाजप प्रदेशाध्यक्ष अरुण सूद यांनी उत्तर दिलं. याच दरम्यान त्यांनी किरण यांना ब्लड कॅन्सर असल्याचंही सांगितलं. हे ऐकून सर्वांनाच धक्का बसला.
किरण खेर यांनी मल्टीपल मायलोमा आहे, हा एक प्रकारचा रक्ताचा क्षयरोग आहे. सध्या किरण यांच्यावर मुंबईत उपचार सुरू आहेत. अद्याप अभिनेत्रीच्या कुटुंबीयांनी याबद्दल कोणतीही अधिकृत माहिती दिलेली नाही. बुधवारी ३१ मार्चला घेण्यात आलेल्या विशेष पत्रकार परिषदेत बोलताना अरुण सूद म्हणाले, की ६८ वर्षीय बॉलिवूड अभिनेत्री आणि खासदार किरण खेर यांना मागील वर्षीच आपल्या या आजाराबद्दल माहिती झालं होतं. उपचारानंतर आता त्या ठीक होत आहेत. याच कारणामुळे पुढील काही दिवस त्या शहरात येऊ शकत नाहीत. आता त्यांची प्रकृती स्थिर असल्याचंही सूद यांनी सांगितलं.
किरण खेर यांची कारकीर्द
किरण खेर यांनी १९९०मध्ये हिंदी चित्रपट दिग्दर्शक श्याम बेनेगल यांच्या ‘सरदारी बेगम’ या चित्रपटाद्वारे बॉलिवूडमध्ये पाऊल ठेवले. या चित्रपटासाठी त्यांना अनेक पुरस्काराने सन्मानित केले गेले. एवढेच नव्हे, तर ऋतुपर्णा घोषच्या यांच्या ‘बैरीवाली’ या बंगाली चित्रपटासाठी किरण यांना राष्ट्रीय पुरस्काराने देखील सन्मानित करण्यात आले आहे. यानंतर त्यांनी अनेक चित्रपटांत विविध भूमिकांद्वारे चाहत्यांचे मनोरंजन केले आहे. छोट्या पडद्यावरही अभिनेत्रीने आपली छाप सोडली आहे.
