चाळीसगाव (प्रतिनिधी) शहरातील गुन्हेगारी टोळीतील तब्बल ११ जणांविरुद्ध मोक्का लावण्यात आला आहे. जिल्ह्यातील आतापर्यंतची सर्वात मोठी कारवाई मानली आहे. या कारवाईमुळे चाळीसगाव तालुक्यातील गुन्हेगारी वर्तुळात प्रचंड खळबळ उडाली आहे.
जाणून घ्या कुणा-कुणावर लावलाय मोक्का !
चाळीसगाव शहर पो.स्टे. गु.र.नं. ४८५/२०२२ भादंवि क, ३०७, ३२४, १४३, १४७, १४८, १४९,१२०(२) या गुन्हयांतील आरोपी टोळी प्रमुख अमोल उगन गायकवाड (वय २५, रा. स्वामी समर्थ कॉलनी, नागद रोड, चाळीसगाव), टोळी सदस्य २) सुमित ऊर्फ बाबा अशोकराव भोसले (रा. नागद रोड, चाळीसगाव) (अटकपूर्व जामीनावर), ३) कृष्णा उगन गायकवाड (रा. नागद रोड, चाळीसगाव), ४) संतोष ऊर्फ संता पहेलवान रमेश निकुम (रा. हिरापुर ता. चाळीसगाव), ५) विक्की ऊर्फ शुभम विजय पावले (वय २३ रा. हिरापुर ता. चाळीसगाव), ६) श्याम ऊर्फ सॅम नामदेव चव्हाण (वय २४ रा. हिरापुर ता. चाळीसगाव), ७) सचिन सोमनाथ गायकवाड (वय २२ रा.बाबाजी चौक चाळीसगाव), ८) जयेश दत्तात्रय शिंदे (पाटील) (वय २४ रा. भोरस खुर्द ता. चाळीसगाव), ९) उद्देश ऊर्फ गुड्डू सुधिर शिंदे (वय २४ रा. हिरापूर ता. चाळीसगाव), १०) योगेश रतन पांचाळ (पडवळकर) (वय २६ रा. हिरापूर ता. चाळीसगाव), ११) पुष्पराज ऊर्फ सुनिल जगताप (रा. पिंपळखेड ता. चाळीसगाव)(फरार)
वरील गुन्हयांतील संशयित आरोपीतांनी यापूर्वी टोळीने आर्थिक फायदयासाठी घरे बरेच गुन्हे केलेले असल्याचे चाळीसगाव शहर पो.स्टे. अभिलेखावर आहेत. पोलीस अधीक्षक एम. राज कुमार,अपर पोलीस अधीक्षक चंद्रकांत गवळी, अपर पोलीस अधीक्षक चाळीसगाव विभाग रमेश चोपडे, सहा. पोलीस अधीक्षक, चाळीसगाव उपविभाग अभयसिंह देशमुख यांनी एलसीबीचे वरिष्ठ पोलीस निरीक्षक किसन नजनपाटील,पोलीस निरीक्षक कांतीलाल पाटील यांना योग्य ते मार्गदर्शन करून सदर टोळीवर वरील दाखल गुन्हयांत मोक्का कायदयाचे कलम वाढविण्याबाबत प्रस्ताव तयार करण्याबाबत सुचना दिल्या. त्याप्रमाणे सहा. पोलीस अधीक्षक अभयसिंह देशमुख यांनी मोक्का प्रस्ताव तयार करून स्थानिक गुन्हे शाखा, जळगाव यांच्या मार्फत पोलीस अधीक्षक एम. राज कुमार यांच्या कार्यालयात दि.२२ जानेवारी रोजी सादर केला.
त्यानंतर पोलीस अधीक्षक यांनी प्रस्तावाचे अवलोकन करुन दि. २१ जानेवारी रोजी विशेष पोलीस महानिरीक्षक सो. नाशिक परिक्षेत्र, नाशिक यांच्याकडे प्रस्तावर सादर केला. मा. विशेष पोलीस महानिरीक्षक यांनी प्रस्तावाचे अवलोकन करुन वरील आरोपीतांनी टोळीने केलेल्या गुन्हे अभिलेख तपासणी करून सदर गुन्हयांत महाराष्ट्र संघटीत गुन्हेगारी नियंत्रण अधिनियम १९९९ चे क. ३(१)(II), ३(२), ३(४) (मोक्का) हे कलम लावण्याची परवानगी दि. २५ जानेवारी रोजी दिल्याने चाळीसगाव शहर पो.स्टे. वरील गुन्हयांतील वरील आरोपीतांवर मोक्का कायदयाखाली कलम लावण्यात आलेले आहे. सदर प्रस्ताव कामी किसन नजनपाटील यांच्या मार्गदर्शनाखाली पोलीस अंमलदार सफी युनूस शेख इब्राहिम, पोहेकॉ सुनिल पंडीत दामोदरे तसेच चाळीसगाव शहर पो.स्टे. कांतीलाल पाटील, पोलीस निरीक्षक, सहा. पो. निरी. श्री. विशाल टकले यांनी योगदान दिले आहे.
