जळगाव (प्रतिनिधी) बीएचआर घोटाळ्यात पुणे आर्थिक गुन्हे शाखेच्या पथकाने आणखी तीन संशयित आरोपींना अनुक्रमे धुळे, औरंगाबाद आणि मुंबईतून अटक केली आहे. त्यात जयश्री अंतिम तोतला यांचा समावेश आहे. दरम्यान, आज अटक करण्यात आलेल्या आरोपींची संख्या आता ११ झाली आहे.
बीएचआर घोटाळ्यात सात आरोपींना अटक केल्यानंतर आता तीन संशयित आरोपींना अटक करण्यात आली आहे. त्यात प्रितेश चंपालाल जैन (धुळे) अंबादास बाबाजी मानकापे (औरंगाबाद) जयश्री अंतिम तोतला (मुंबई) अशा अटक केलेल्या व्यक्तींची नाव आहेत. तत्पूर्वी पुण्यातील रिटझ कार्लटॉन या हॉटेलमधून ताब्यात घेतले होते. दुसरीकडे आज पहाटे जळगाव जिल्ह्यात आर्थिक गुन्हे शाखेच्या पथकाने अटकसत्र राबविले. यात भागवत भंगाळे (जळगाव) छगन झाल्टे (जामनेर), जितेंद्र रमेश पाटील जामनेर यांना औरंगाबाद येथून ताब्यात घेण्यात आले. आसिफ मुन्ना तेली (भुसावळ, जयश्री मणियार (जळगाव), संजय तोतला (जळगाव), राजेश लोढा (जामनेर) अशांना अटक केली होती.
या सर्व आरोपींना जिल्हापेठ पोलिस ठाण्यातून वैद्यकीय चाचणीसाठी जिल्हा रुग्णालयात नेले जाईल आणि त्यानंतर हे पथक लागलीच पुण्याकडे रवाना होणार असल्याचे कळते.
