धरणगाव (प्रतिनिधी) तालुक्यातील एकलग्न येथे बंद घर फोडून सोने-चांदीचे दागिने चोरून नेल्याची घटना १ मे रोजी उघडकीस आली आहे. याप्रकरणी अज्ञात चोरट्याविरुद्ध धरणगाव पोलिसात गुन्हा दाखल करण्यात आला आहे.
या संदर्भात विजय एकनाथ पाटील यांच्या घराचा मुख्य दरवाजाचे कुलूप तोडून आत प्रवेश करुन हॉलमधील कपाटाचे कुलूप तोडून तसेच देवघरातील कपाटाचे कुलूप तोडून कपाटातील सोन्याचे पेंडल, सोन्याचे मणी, चांदीची पायल असा एकूण ४८ हजार रुपयांचा ऐवज अज्ञात चोरट्यांनी चोरून नेला. याप्रकरणी धरणगाव पोलिसात गुन्हा दाखल करण्यात असून पुढील तपास पोहेकॉ अरुण निकुंभ हे करीत आहेत.
